اخرجي كده من سكوتك
سمعيني يامصر صوتك
طمنيني لسه عايشه
ولا حكموا خلاص بموتك
ولا مسجونه في همومك
ولا مشغوله بهمومي
ولا مش شايفه وحاسه
اني بتعذب في يومي
سمعيني يامصر صوتك
ولا حكموا خلاص بموتك
نفسي اسمع تاني اسمك
في الهتاف ..
ده العلم علي طول مرفرف
عمرك شوفت علم يخاف
اوحتي شوفت النيل يموت
او في يوم صابه الجفاف
ايوه عارف اننا في عهد يوسف
برضوا عشنا سنين عجاف
وان يوسف كان مستعد
وان عمره في يوم ماخاف
بس عارف اننا مش زي يوسف
وان اللي جاي اصعب
كتير من العجاف
طمنيني بكلمه واحده
قولي حاجة ساكته ليه
اخرجي كده من سكوتك
سمعيني يامصر صوتك
طمنيني لسه عايشه
ولا حكموا خلاص بموتك
الجمعة, مايو 3, 2024
آخر الاخبار
- سلة زعيم الثغر تواجه الزمالك في قبل نهائي كأس مصر يوم 30 إبريل الجارى
- مجلس الصيد يكرم فريق مواليد ٢٠٠٩ لكرة القدم
- مصيلحى ينظم رحلة للجماهير لاستاد البرج
- رحلة لجماهير الثغر.. لمشاهدة لقاء الاتحاد السكندري و الإسماعيلى بإستاد برج العرب
- سموحة جاهز لمواجهة بلدية المحلة الهداف احمد على امين يبحث عن فرصة للمشاركة
- اطلاق اسم السباح نبيل الشاذلي علي مجمع حمامات السباحة بالنادى الاوليمبى
- فيوتشر يتخطى فاركو بهدفين ويصعد للمركز الثامن
- فوز فريق الاتحاد السكندرى ٢٠٠٧ على الزمالك بالقاهرة ٢-١