ساكن بلاد الشيخ حاحا
معلش بقى لو فى قباحة
هنا علمونى أكون سافل
ومفيش خناق يبجى بالراحه
هشتم عشان ماتش فى دورى
والنادى محتاج لجراحه
كابتن فريقنا إسمه مغاورى
فى السب مشهور ع الساحة
والناس بتشتم وتهيص
وإمامنا يسكر ويهلث
والناس تشيت وتفيس
وتقول عليه انه كويس
مادام الإمام .. ملك الساحه
ماتفوق معانا بقى ياشيخنا
وكفاية توبيخ وتناحه
و انا من بلاد الشيخ فيفى
بابا المثالى إسمه عفيفى
بيعرى جسمه عشان إسمه
مختوم بختم الفتاحه..
استاذى نجم وأبنودى
نصحونى لو أعدى حدودى
أرمى الحمول ع الشماعه..
قالوا كدبة بتجر التانية
“شوارعنا تشبه ألمانيا”
والله غريبه أوى الدنيا
بنصدق الكدبه ف ثانبه
وعشان تحقق أحلامك
إستنى تحت التفاحة..
وشباب بلاد الشيخ حاحا
ليها وش مليان بسماحة
ليها قلب يعشق بالجمله
وكأنه فيه ماتش سباحة
وبنات بلاده ماليها خجل
طب تافهه؟؟
رد ياسيدى
-أجل.
تحلم بجوزها يكون توتو
ويجيبوا واد اسمه تفاهه
وأنا من بلاد
أنا من بلاد الخير والشر
سامحونى بكدب وأنا مضطر
كل اللى ساكن عندنا حر
والكفه ديما مرتاحة
ساكن بلاد ساكن بلاد
“ساكن بلاد الشيخ حاحا”
#بلاد_الشيخ_حاحا
#محمد_الشيخ