وابقي اتوصي ف الابتسامات
ايه اللي اختلف؟!!
ايه اللي خلى
الفرحه ف عيونك بقت غربه؟
ده انا كنت بعشق نظرتك ليه
وعيونك تلمع بالاشواق
واحس جوارحك تندهني
يا حبيبي تعالى كفايه فراق
وكنت بستنى
معادي وياكى
ومكان بيجمعنا
مليان زهور وريحان
والشجره من فوقنا تهادينا بالورق
والجو كان دايماً جميل
تفاصيل الفرحه المنتظمه
ف ضفايرك حكمة من المولى
مضمون نظراتى بيثبتلك
مين كان عـ الحب بيستولى
بتغيبي ساعات/وتعودي ساعات
وجنان ونكد بعض الاوقات
وحدود العشق…
اقيمت جهراً
على جرحى
وشربت كاسك ف الخفى/سكراً
اعلنتىى سرى ع الملاء/شكراً
وصدقت المقوله ايّها متغصب
لما المهرج يبكي وسط العرض
ودموعه من كترها تبوظ المكياج
يبقي السبب انتى
يا كل معنى اتخلق
للفرحه والاوجاع
خبيتى ليه خيبتى
بعد اما سرى اتذاع
عشق الصبايا متاع
ولانه متداخل
بيقوم على الإقناع
فـ بقولك اطمني
كل اما بسمع صوتك
بتطيب جراح السكات
ورسايلك بتجدد نبضي
وتمنحني الوحي
ف بكتب
وعشان اليوم يكمل مظبوط
متلبسيش نضارة شمس
بصراحه خايف
على ضي النهار من نور عيونك
وابقي اتوصي ف الابتسامات
عشان اكمل ف القصايد
واحضنك
انتي ابتسامه مبشره بالخير
انتي للفرحه المدد
انتي للقلب السند
انتي جنه طارحه بالدعوات عشاني
انتي تركيزي وجناني
يا كياني
هات ايدك نمشي ب حلال ربنا