يا أسوأ بنت جت للقلب فالدُنيا
أنا كارهِك
صميم القلب من جوا مهوش عارفِك
فا من بُكره خلاص بالي متشغلهوش
أنا كرهتِك كما كُرهي
لنيكوتيني اللي مشتريتوش
يا أول واحده خوانه..
تقابلي الناس بوش بشوش
لكن جواكي شئ تاني
وملعون أي يوم جالي ..وشوفتِك فيه
بقولك إيه / هقول عن حاجه خنقاني
هقول عن حُبي من تاني
يا واحده بإسم كلمة حُب قتلاني
أنا المجني عليه دايمًا
وأنا برضو اللي كان جاني
أنا الظابط وأنا المُخبر وأنا القاضي
كلامي ُكله في الفاضي
فهحكُم تاني علي نفسي
ب 6 سنين من النسيان..
بجد يا بخت زيف قلبك
عشان قادرة ونسياني
هموت وأعرف ….
إيه اللي مسكْني كتفني
رماني ف بير سراب حُبك وودّاني
ومين ف الأصل غماني؟؟
وإيه بس اللي أغواني ؟
ليه أصلا إنتي كرهاني
فدنُيايا وجازيتني..
وليه فقلبي طعنتيني..
مكونتيش ليلى يوم أصلاً
لكني كُنتلك مجنون
مكونتليش عبله يوم أصلاً
لكني كُنتلك عنتر ..
جعلتك قبله للدنُيا
وكُنت بصلي وبكبّر
وأصبّر نفسي في بِعادك
بصوره فعقلي خبيتها
وفيها عنيكي بالدُنيا..
لكن غبتي ..كسْرتيني
بقيت كارهِ أنا الدُنيا..
#مش_من_بنات_حوا
#سليمان_حامد
الإثنين, مايو 6, 2024
آخر الاخبار
- الاتحاد السكندرى يشكر غزل المحلة على تهنئته
- الاتحاد السكندرى يشكر نادى الصيد على تهنئته
- الاتحاد السكندرى يشكر النادى الأهلى على تهنئته
- الاتحاد السكندرى يشكر أصحاب الجياد لتهنئته
- الاتحاد السكندرى يشكر سبورتنج على تهنئته
- الاتحاد السكندرى يشكر سموحة على تهنئته
- مفاجأة مصيلحي لجماهير الاتحاد السكندري قبل مواجهة الأهلي
- شباب الاتحاد السكندرى ينتزع بطولة الجمهورية للسلة على حساب الأهلي