(اسكندرية والبحيرة )
نفسي اعرف انت مين ..؟
ياللي بتخرب بلادي انت مين
ياللي بتيتم ولادي أنت مين
ليه بس كاره أرض
حضناك من سنين
ليه بس عايز فرحنا
فآجاة يتحول آنين
انت تابع لاي مله وأي دين
نفسي اأعرف انت مين ..؟
يعني ايه ناس تموت
من غير سبب كل يوم
وحياتنا تتقلب عشانهم
للحزن والويل والهموم
ويعني ايه شريان حياتنا
في لحظة يتحول سموم
يعني ايه عطشان في بلدي
واشتري الميه بالفلوس
ويعني ايه لما اسافر
حياتي تتحول كابوس
والضمير ليه بس غايب
والحقد ساكن في النفوس
كرروا نفس الحكاية
فبكروا مليون رواية
احنا عارفين الحقيقة
م البداية للنهاية
ده الاهمال زي الخيانة
عرفنا طبعآ انتوا مين
انتوا خاينين ..للامانة
#محمد_زكريا