الضعف صفه انسانيه…
موجوده واصيله فينا كبشر، سواء رجاله او ستات، كلنا بنضعف وبتيجي علينا لحظات بنفقد السيطره علي الامور، وبنخاف نواجه او حتي لو مخفناش مش بيكون عندنا طاقه ولا قدره اننا كمل.
اللحظات دي لازم نحترمها ونقدرها ونبطل نتجاهلها، ونفضل طول الوقت نلعب دور انا جدع _ انا قوي _ انا مبحزنش ومبضعفش ومبخفش) فااااكس جداا الكلام ده.
الانبياء جت عليهم لحظات ضعف ووجع…
العلماء جت عليهم لحظات فشل وتراخي…
الزعماء جت عليهم لحظات تخبط وخوف…
يبقي دي طبيعه بشريه لازم نحترمها ومنعندهاش ولا نتجاهلها.
بالعكس…
لما نمر بلحظه وجع او ضعف، نعيشها بكامل حواسنا، نخوض التجربه للاخر، نسلم ليها نفسنا خالص.
نعيط .. نصرخ .. نكتئب .. ننام .. نسكت .. نفكر نتألم…
تجرب نفسك وتراقبها، تشوف اخرها في الضعف عامل ازاي، وبعدها تتعلم بقي…
تتعلم متقعش في نفس الغلط مرتين…
تتعلم تتجنب الالم ده .. النوع ده من الفشل .. الشكل ده من الاحباط.
هنا بقي مبروك عليك، وصلت لمرحله النجاح في تحويل الاحساس السلبي لايجابي، والفشل والاحباط لقوه ونجاح وتقدم.
كده انت بتنضج، وتتعلم، وخبرتك مع نفسك ومع الحياه بتزيد.
الخلاصه … انت بني آدم مش إله .. لازم تقع عشان تقوم، ولازم تعطل عشان ترجع تشتغل بكفاءه اعلى.
#صباحكم_سعاده
#باسنت_عثمان