العنوان غريب شوية يمكن تفتكروا انى هاتكلم عن الشات بين الناس وانة لازم يبقى فى قانون اخلاقى يتحكم فى هذة المحادثات وانى هاوعظكم عن كيفية استخدام الشات وان لازم ناخد بالنا من الناس اللى ينتعرف عليها من الشات ..
الحقيقة انا مش هاتكلم فى الموضوع دة خالص لان
اولا شايف ان الناس حرة تعمل اللى هى عاوزاة ثانيا ودة الاهم ان انا لا واعظ ولا لية اى علاقة بحريات الناس ……
امال ايه بقى الموضوع
مجلس النواب المحترم قرر يسمع كلامى ويشتغل على القوانين اللى تسهل للناس حياتها فقرر اية بقى انة يخليك كمواطن اكثر همة واكثر نشاط .
تصحى بدرى وتروح تقف فى طابور غالبا هايبقى زى طابور الشهر العقارى او دفع مخالفات المرور ..
يعنى تروح من ٩ توصل الشباك ١٢ وبعدين تتبدى هذا النقاش ….
صباح الخير يا فندم ..
الموظف .. صباح الخير
فيس ولا تويتر ولا انستجرام
انا الحقيقة جاى اعرف انا مسموحلى بكام ابلكيشن
الموظف : لا يا فندم مافيش مشكلة العدد مفتوح كل ابلكيشن بعد الرسوم والضريبة هايكلف ٥٤ جنية ولو حضرتك هتاخد ٣ ابلكيشن هنديك (فيبر) هدية وفى كمان باقة شات براحتك ب١٦٧ جنية بس
وفى باقة التجول فى الشات دى غالية شوية بس ممتازة ب ٢٣١جنية بس
طب خلاص انا هاخد .. فيس /والتويتر /وادينى عليهم فيبر هدية الحساب كام من فضلك .
الموظف : لا يا فندم حضرتيك هنا هانملى الابلكيشن بس الدفع فى الخزينة وبعدين حضرتك لازم تعدى على مكتب الامن تاخد التصريح الاول قبل الدفع ..
امن امن اية حضرتك
الموظف : الامن الوطنى والمخابرات وكل الاجهزة المعنية
معنية بايه انا مش فاهم معنية بواحد بيكلم امة من الكويت يطمن عليها ولا معنية بواحد فى السعودية بيتكلم مع ولادة ولا معنية بواحدة بتدور على عريس ولا معنية بواحد بيصاحب على مراتة معنية باية انا الحقيقة مش قادر افهم معنية بايه بالظبط ..
الموظف : والله يا فندم حضرتك ارجع بقى للمجلس الذى اصدر القانون هو يمكن يجاوب على السؤال دة
وانا من ناحيتى بسال النواب المحترمين كدة انتوا فعلا فى خدمة المواطن ولا فى خدمة الجهات المعنية…..
التوقيع .
مواطن
الثلاثاء, أبريل 23, 2024
آخر الاخبار
- سلة زعيم الثغر تواجه الزمالك في قبل نهائي كأس مصر يوم 30 إبريل الجارى
- مجلس الصيد يكرم فريق مواليد ٢٠٠٩ لكرة القدم
- مصيلحى ينظم رحلة للجماهير لاستاد البرج
- رحلة لجماهير الثغر.. لمشاهدة لقاء الاتحاد السكندري و الإسماعيلى بإستاد برج العرب
- سموحة جاهز لمواجهة بلدية المحلة الهداف احمد على امين يبحث عن فرصة للمشاركة
- اطلاق اسم السباح نبيل الشاذلي علي مجمع حمامات السباحة بالنادى الاوليمبى
- فيوتشر يتخطى فاركو بهدفين ويصعد للمركز الثامن
- فوز فريق الاتحاد السكندرى ٢٠٠٧ على الزمالك بالقاهرة ٢-١