يا ترى هانقدر نواكب موجة الغلاء .
اصبح الكلام السائد بين العامة اللى مش معاة فلوس يتعالج يروح يموت احسن وطبعا الفلوس بقت عزيزة وشحة ومافيش مدخرات مع العامة والطبقة المتوسطة فعلا بتشحت ودة لانها بين البنين لا عارفين يعيشوا حد الكفاف مثل الطبقة المحتاجة او الأشد احتياجا المتعارف عليها سابقا قبل التعويم والمشروعات العملاقة والانجازات الجبارة لأنها بتدفع كل حاجة ثلاث اضعاف والدخل قل النص .
الاكل والشرب والطاقة والتعليم واللبس والأدوية كل حاجة .
ووالله انا مش بقلل من حجم الإنجازات ولا بقلل من حجم المشروعات اللى اكيد هاتفيد البلد بعد عشرين او خمسة وعشرين سنة ومش ينكر أن أغلبها اتعمل بالجهود الذاتية انا بس بتكلم عن الأولويات حتى لو بجهود تحيا مصر اللى هى مدخرات المصريين فى كل العالم والاولى لهذة المدخرات. الاستثمار والبحث العلمى والتعليم والصحة والإصلاح الادارى للدولة والقضاء على الفساد ودة بالذات اصبح كارثة بعد تعديل قانون العقوبات والتشديد فى اوامر الإحالة لان ببساطة الوقاية خير من العلاج ..
لان العلاج مكلف جدا والسجون هاتكون بآللاف وعلى فكرة بتكلف ميزانية الدولة كتير ..
الحل دايما فى قوانين الحماية مش قوانين العقوبات يعنى ببساطة مافيش سلطة مالية مطلقة لموظف وفى رقابة قبلية دايما والموظف المرتشى يفصل ونعمل قوانين بسيطة للاجراءات وشباك واحد لخدمة المواطنين .
ارجوكو الجائزة الكبرى فى اننا ننظف السلم من فوق لتحت مش من تحت لفوق والا هانعيش فى جزر منفصلة ومستحيل هانقدر نحل اللغز لغز بيتعمل بقالة سنين طويلة ممتدة من خمسينيات القرن الماضى وهايمتد لقرون جاية لو ماتحلتش الحل الصحيح .
ارجوكو الحل فى إصلاح البشر والاستفادة من امكانياتهم وعقولهم والاستثمار فيهم .
اصلحوا مؤسسات التعليم وابنوا مؤسسات الوقاية نمو البشر مع الحجر أطلقوا يد العقول النظيفة اصلحوا العوار فى القوانين المكبلة اصلحوا العوار الحقيقى فى الدستور ان اردتوا إصلاحا ليس بتعديل مدد االرئاسة لكن بوزارة توعية وإرشاد تحكم مافيا الإعلام وهرج الصحافة وكارثة السوشيال وتنهض بقطاعات ماتت ودفنت.
الحلول كثيرة ان اردتوا ……….
ان اردتوا النهوض الحقيقى واشعار المواطن بة سيكون ناجز وفورى ليس لى مصلحة فى المعارضة الزائفة وليس لى عداوة مع من يترائسوا النظام ..
لى مصلحة فى وطن اعيش فية اتجرع مرارة الظلم يوميا فى البحث عن حياة كريمة لى ولاولادى ..
يا من تحكموا هذا الوطن ارجوكوا انتبهوا للاولويات حتى نستطيع الوقوف بجانبكم ومساندتكم دون تأليه او صناعة أصنام بمجد زائف الوطن ليس ارض ومبانى وعواصم وتفريعات وابراج..
الوطن بشر فاحسنوا فى بناء البشر تملكون العالم ..
التوقيع
مواطن
الخميس, أبريل 18, 2024
آخر الاخبار
- فوز فريق الاتحاد السكندرى ٢٠٠٧ على الزمالك بالقاهرة ٢-١
- رحلة لجماهير الثغر.. لمشاهدة لقاء الاتحاد السكندري و الزمالك بإستاد القاهرة
- الاتحاد السكندرى يتصدر الدوري بفارق الأهداف
- حل فزورة فريش اليوم الأحد 21 رمضان.. بلد السكر والقهوة والتبغ في الكاريبي
- بحضور 600 شخص .. نادى السلام البحرى ينظم اكبر مائدة افطار على ضفاف قناة السويس ببورسعيد
- تأجيل مباراة الاتحاد السكندرى و المصرى البورسعيد لتقام يوم الخميس 4 إبريل
- سلة الاتحاد السكندري تتعاقد مع صانع الألعاب الأمريكي ” مايكل ديكسون “
- دوللي شاهين تنتهي من تسجيل أغنية “ست البنات”