عن الأربعين أتحدث ياحضرات، في منتصف الطريق سألقي بعض الكلمات..
فعلي مشارف الأربعين كان لابد من إحتفال وتجميع لذكريات العمر الجميل ولمة للأصحاب ، دة الأربعين ياحضرات!
ما أجمل الحياة و الكل متجمعين عالمحبة والضحكة الحلوة رايحين جايين، كلنا تقريبا في منتصف الطريق ، هايصين ولايصين!
نلم صحابنا نولع شمعة ولسان حالنا يقول ٣٠ أضحك ،
نسمع صوت لأ ٢٠ يمكن زادوا قولى سنتين،
أصل الأصل فعمر الواحد هو الحب ،
هو القلب وقلب الواحد لسة شباب صافى حنين مش كداب ، مش بالسن كنا وكان ،
أصلك فصلك ،
عمرك فاصل،
واللي فعمرك حاصل واصل لكل الناس ،
عم يا باسط ،
لسة ف بكرة كل جميل ،
أنت الفكرة و التفكير ،
عاوز راحة لسة كتير ع التسعين ويمكن أكتر لسة سنين
لعمرك أدى ،
لصحبك أدى ،
أوعى تفكر تاخد إيه
أصل يا صاحبى عمري و عمرك جاى من بكرة بكل الخير·