ميدو الغرياني يكتب : رحله عناء

رحله من عالم الطموح… الى ظلام المعاناه وقتل الاحلام.
رحلتى من تعليم ومذاكره ونجاح وشد اعصاب الى احباط وجلوس على المقاهى والجرى وراء السراب واعلانات ووظائف خاليه ومطلوب وظيفه وسيره ذاتيه ومقابلات، وفى اخر هذه الرحله نسمع كلمات حفظناها جيدا وهى شكرا هنتصل بيك ونحدد موعد وسمع هووووس.
فنرجع من الرحله لنجد من يأنبنا ويعنفنا بكلمات انتوا جيل مش عايز يشتغل…. الشغل مالى الدنيا عبارات لناس ترددها دون تفكير او عقل فاين هذا العمل؟
فتقول له تمام ادينا العنوان نجد اجابه فى منتهى الغباء ده كانت وظيفه وخلاص اتوظف. او وظيفه اثنى عشر ساعه والراتب٩٠٠جنيه وفى برج العرب يعنى ساعتين رايح وساعتين راجع واثنى عشر ساعه وبعقد و٩٠٠جنيه ثمن ايجار الشقه
طب فين المواصلات
فين فواتير الكهرباء والغاز
فين مصاريف الشهر من اكل ودكاتره
فين مصاريف ملابسنا
فين ياريس حق الشباب الذى يعانى بس سيادتك بتقابل شباب فى المؤتمرات غيرنا تماما، ولو فكرنا ننزل نعمل كشك نلاقى الف ايد تهدك، ياريت ياريس تلغى التعليم وتعلمنا صنعه احسن لان اهالينا صرفوا ال حيلتهم علشان يعلمونا ونتعين بتعليمنا وفى الاخر بنفكرنسرح بخضار او نعمل كشك شاى او نبيع شويه فانلات وكالسونات
تعليم ايه ال انت جاى تقول عليه انت عارف اخر التعليم ايه
رحله عنااااء