كامل عبد الظاهر يكتب: في منتصف الجبهة 

– صداقتك لأبو هشيمة في هذا التوقيت ستغير حياتك، ستحولك من شخص محدود القدرات، إلي تملك ما لم تحلم به أبدا.. حتى إسأل علي ماهر.
– الحضري مؤخراً هاجم حسن حمدي قائلاً: “معندوش كاريزما” .. طيب بذمتك يا حضري انت تعرف يعني إيه كاريزما؟!
– مثلما فاجأنا وزير الصحة باكتشافه مصنع يقوم بتصدير اللبن ومصر تستورده مرة أخرى، فوجئنا بنادي الزمالك يقول أنه سيتقدم بشكوى للكاف للبت في لقب نادي القرن من جديد، فهل سيكون رد الكاف على هذه الشكوى ورا مصنع اللبن؟
– لعيبة الزمالك لو بترفع لكرستيانو رونالدو الراجل هيسيب الكورة ويشتغل ديلر.
– لما بسمع كلام أيمن يونس ببتدي أشك إن بتوع أون سبورت، بيفرجوه على ماتشات تانية معادة غير اللي بيتكلم عليها في الأستوديو دي.
– كفاية سف على الزمالك وتعالوا نتكلم في قلة الأدب شوية، حد شاف الدوري اللي باسم مرسي قال عليه يا مين يعيش ويشوف الدوري بيخرج من الزمالك؟!
– كلام فاروق جعفر في الكورة هو هو بالظبط كلام السباك في الطب.
– ياريت أي إعلامي رياضي يجيب ممدوح عباس ويسأله عن محمد صلاح لاعب روما بما إنهم بيستضيفوا رضا عبدالعال.
– دلوقتى كله بيتمنى بوفون يفوز باللقب لكن يوم ما اليوفي لاعب برشلونه من سنتين في النهائي كان بوفون ابن رقاصة.
– ياريت إدارة اليوفي تحط اللاعيبة في محمية طبيعية قبل نهائي كارديف عشان عين زين الدين زيدان، ممكن يحصل بركان في مدينة تورينو ولا إعصار.