_ اول مرة اشوف ألبوم ينجح قبل ما ينزل، سيظل عمرو دياب رقم واحد مدى الحياة.
_ لو ألبوم عمرو دياب الجديد في نفس مستوى ألبوم علم قلبي زي ما البوستر شبه البوستر كده فشكلة هيبقى صيف تاريخي.
_ العدل جروب لو مكنوش عملوا غير مسلسل حديث الصباح والمساء كان يبقى كفاية عليهم جدًا.
_ عم عبدالباسط حموده تحسه واقف بيقزقز كوارع في الاستوديو وهو بيغني أي اغنية.
_ رجوع إبراهيم عبدالخالق لنادي الزمالك بعد ما قعد عالدكة في الأندية المعار ليها خطوة على طريق شد الزملكاوية الكوكايين في الموسم الجديد.
_ أكتر مدرب درب الزمالك مع مرتضى منصور وصعب عليا كان باكيتا.. الراجل ياعيني ملحقش يرص هدومه من الشنطة في دولاب الأوتيل ومشي والشنطة ماتفتحتش.
_ وادي دجلة مشوا الحضري وجابوا عبدالمنصف.. ونعم الإحلال والتجديد.
_ ملاك نادي روما هيسلموا النادي الموسم الجديد عالطوب الأحمر.
_ في الصورة اللي نشرت لهم عاليخت يظهر ان ام كرستيانو رونالدو ملقتش حته تركن فيها فركنت في حضن أبو هشيمه.
_ الدنيا مابقاش فيها بركة لما الكهربا تقطع في تدريبات اتحاد جدة رغم ان عندهم محمود كهربا وفهد المولد .. مش ناقصهم غير يشتروا نور السيد.
_ ميسي قبل بداية الموسم الجديد اتجوز وجدد عقده مع البارسا وقضية الضرايب بتاعته اتقفلت .. اتوقع يسجل اهداف بودانه الموسم الجديد.
_ ياريت الفنان عمرو دياب ينزل بالألبوم بقى قبل مانشد بودرة.