كامل عبد الظاهر يكتب: رمضانيات “3”

0

_ أحلى حلقة في مسلسلات رمضان النهارده فوز الأهلي بالدوري رسميا.

_ الاستلام والتسلم عند لاعبي الاهلي النهارده كان اصعب من استلام وتسلم شحنة مخدرات من الجمرك.

_ أحمد الشيخ لو ضيع ضربة الجزاء كان مرتضى منصور هيروحله عالبيت في السحور.

_ افضل المسلسلات حتى الآن كفر دلهاب، كلبش، وضع أمني، خلصانة بشياكة.

_ ومستغربين ان عمرو دياب ساب أيمن بهجت قمر وبطل يتعامل مع عمرو مصطفى وامير طعيمه، ده اللي يسيب شيرين رضا دي قلبه ميت ويسيب ابوه وامه عادي.

_ اروى جودة من غير ميكاب احلى من حياتنا كلنا باين ولا ايه.

_ ليلى علوي في الإعلان شكلها أصغر من عيالها ماشاء الله الزمن معداش عليها.

_ اكتر حاجه لفتت انتباهي في حلقة رامز النهارده ان مصطفى خاطر مؤدب وابن ناس.

_ أحمد موسى ومصطفى بكري بيظهروا الايام دي في برامجهم هم مش بيقولوا الشياطين بتتسلسل في رمضان؟

رمضانيات 1

رمضانيات 2

اترك تعليق