_ بعد نطحة ماتيرازي في يوم اعتزاله للكورة زيزو قرر معاقبة العالم.
_ بيكيه رجل الريال في المباراة وميسي رجل برشلونه وايسكو رجل المباراة.
_ رونالدو عمل كل حاجه في ربع ساعه قعد دكة ونزل لعب وخد كارت اصفر وكارت احمر وجاب جول وقلع جوه الملعب.
_ احمد توفيق والونش واسلام جمال وبيكيه دول افكار … الأفكار لا تموت.
_ زيزو عامل فرقة كلها بتجيب اجوال والحكم شوية عوض غياب نيمار.
_ بعد طرد رونالدو ابوهشيمه هايخزوق الحكم على سيخ حديد المصريين.
_ كرستيانو رونالدو هيقول لعبدالرحمن مجدي مراسل اون سبورت “بهدي الجول والطرد لأبو هشيمه راعي الرياضة والرياضيين في اسبانيا”.
_ بوسكيتش بيضيع والجول فاضي وسواريز بعيد عن مستواه وميسي شكله هيشد بودرة لو برشلونه مشتروش لاعيبة.
_ إيسكو ده حلواني وبياع جاتوه يخربيته ويخرب بيت لمسته للكورة.
_ الواد مارسيلو بيفكرني بمحمد علي كلاي والله يحوم كالفراشة ويلدغ كالنحلة.
_ بعد اللي عمله بيكيه النهارده شاكيرا اكيد هتنيمه عالسلم.
_ ايه اللي عمله بيل يخليه يلعب 80 دقيقة واعتقد حسني فتحي احسن من فيدال باك رايت برشلونه.
_ جالي صدمة حضارية لما شوفت اعلان بنك Saib وانا مستني الكلاسيكو وافضل ان ادفع ضريبة القيمة المضافة على اني اشوف إعلان حمدي الميرغني.