كامل عبد الظاهر يكتب: تحليل الزمالك واتحاد العاصمة
_ أحمد عيد عبدالملك وهو 35 سنه كان بيجري ويأدي احسن من كل صناع لعب الزمالك حاليا.
_ محمد حلمي مقيد جعفر ومايوكا في افريقيا وكان ناقص يقيد احمد الكاس وشحاته ابوكف لو كان يطول اكنه بليد مش عايز يسيب ورقة امتحانه فاضية.
_ طارق بيه حامد من يوم ماراح امم افريقيا ونادي الزمالك مابقاش قد المقام باين .. طارق حامد ذهب للجابون ولم يعد.
_ طارق حامد واخد انذار في الدقيقة 17 … ده انت لو جزائري هتستنى شوية اكتر من كده.
_ احمد توفيق ضيع انفراد لو صدقي صبحي شافه هيلبسه محاكمة عسكرية حتى لو صدقي اهلاوي.
_ باسم مرسي فاتح أكاديمية تعليم كرة قدم يلقط بها رزقه ومبيعرفش اساسا يستلم الكورة .. كوميديا سوداء والله.
_ امير سعيود اتطرد وفريقه كسبان وخرج بيعيط وطارق حامد خرج ولا همه اكنه لما صدق.
_ كل عرضيات حسني فتحي لواحد قاعد جوه مركب في المحيط الاطلسي.
_ حسني فتحي بيسيب اللاعب اللي قصاده يعمل اوفر وضميره مرتاح اكن منطقه جزاء الزمالك بيلعب فيها نستا ومالديني وريو فرديناند.
_ حسني فتحي ده اكاد اجزم انه في اوقات فراغه بيتفرج على مسلسلات تركي وبيكره الكورة كره العمى.
_ لما ستانلي اللي ضيع الكورة جايبينله دكتور يعالجه وجمهور الزمالك مين يعالجه؟
_ الحكم حسب فاول عكسي على مايوكا على اساس ان مايوكا داخل يضرب وليه في الفرهدة والجو ده.
_ العيال بتوع الجزائر كانوا شغالين عرضيات ولا اللي كانوا بيلعبوا بنيجيريا في الاسطوانة اليابانية بالبلايستيشن.
_ حد يقول للونش يهمد شوية ويبطل يعمل فاولات في الماتشات احنا مشفي ال wwe
ياريت مسئولي اتحاد الكورة بدل مايتعبوا نفسهم بقرارات القايمة والفيديو يرجعوا الجمهور للملعب لحسن لاعيبة مصر ركبهم بتخبط لو شافوا الف مشجع.