كامل عبدالظاهر يكتب : رمضانيات “9”
_ اكتر حلقة عجبتني النهارده هي فوز الاهلي على الوداد واحلى مشهدين هدف مؤمن واجاي .
_ ياريت لو صالح جمعه ضرب حسام البدري حد يقولنا طيب بدل المواقف المبهمة دي لحسن انا دمي كله بقى ميس باص خلاص .
_ جرى ايه يا عم كوليبالي امال لو طلعوك مع رامز كنت هتقول ايه ؟
_ كوليبالي قالك البلد مش آمنه ومايوكا قاعد في امبابه لمطلع الفجر محدش بيكلمه ولا بييجي جنبه . _ كوليبالي كان ناقص يقول في البيان بتاعه ان حسام البدري بيقوله “دي كنافة”
_ امير كرارة نط من الدور التاني واتضرب عليه نار واتخانق مع بلطجية وقعد في الترب والجاكت الجلد الاسود ماشاء الله بالتيكت بتاعه .
_ مسلسل حلاوة الدنيا ظافر تونسي وهند صبري تونسية وامين بوحافة اللي عمل الموسيقى التصويرية تونسي برضه مكنش ناقصهم غير يامن بن ذكري ديفندر . _ باسل الخياط في آخر حلقة من مسلسل 30 يوم لازم المشاهد العربي يعدي يبول على وجهه واحد واحد كده . _ عيلة نيللي كريم في المسلسل تخلي الواحد يشد بودرة _ شيكو لما بيعمل دور ظابط زي شخصية تيسير فهمي كده بيموتني من الضحك .