كامل عبدالظاهر يكتب : رمضانيات “8”

نهائي كارديف _ اليوفي بدأ الماتش ضاغط .. غير متوقع .. داني الفيش مباراة سيئة.. غير متوقع .. نافاس غير عادي .. متوقع .

_ عشان تجاري الريال اما تمتلك ميسي او تحرمهم من الكورة .. ريال لو مسك الكورة هتجيبها من الشبكة .

_ داني الفيش مجاش وجول مانزوكيتش اعتقد احسن جول شوفته في نهائي دوري ابطال .

_ مارسيلو بيعمل كروسات فيها سم قاتل ومودريتش ممتع حتى لو بتشجع خصم ريال مدريد .

_ هيجوايين جوه الصندوق دباح بره الصندوق فيفي عبده .

_ اليجري عامل زي اللي قعد طول السنة يذاكر وقعد يلعب بلايستيشن ليلة الامتحان .

_ زيدان حب ينتقم من العالم كله بسبب آخر لقطة له كلاعب وطرده بعد ما نطح ماتيراتزي فقرر غزو أوروبا كمدرب .

_ اللي بيكتب تاريخ الكورة ايده ورمت وقلمه خلص من كرستيانو رونالدو .

_ كرستيانو هيهدي دوري الابطال والبالون دور لابوهشيمه راعي الرياضة والرياضيين .

_ احلى حاجه عملها بوفون النهارده انه معيطش بعد الماتش .

_ غاويين نكد والله الستات دول .. الصاروخ فريقها كسبان دوري ابطال وبتعيط ولا كأنها بتتفرج على مسلسل نيللي كريم .