كامل عبدالظاهر يكتب : رمضانيات “١٧”
_ مصر وتونس … منتخب مصر عشوائي ككوبري اكتوبر يوم الخميس .
_ مصطفى فتحي لسه بدري عشان يبقى لاعب دولي … تونس ليست غزل دمياط يا مصطفى يا فتحي .
_ شهر رمضان بيجري اسرع من رمضان صبحي .
_ بعد الخسارة من اونس احنا المفروض نوقف مسلسل حلاوة الدنيا بتاع ظافر وهند صبري .
_ لسان حالي وانا بتفرج ع الماتش بيقول كفاية بقى يا معلول انت ايه يا اخي مشربتش من نيلها .
_ معرفش اكرامي كان شفاف في كورة الجول ولا ايه .
_ أحمد فتحي عمل واحدة مع معلول “صاحبي وصاحبك هناك عالقهوة” _ بلد ال100 مليون نسمه بلا سترايكر .. كهربا الأداء صفر .
_ احنا كان لازم نقطع العلاقات مع قطر من زمان من ساعه ما beinsports حطوا الكود بتاعهم والماتش شغال .
_ تقريبا سموا المسلسل خلصانه بشياكة عشان خلص على كل الممثلين اللي شغالين فيه .
_ محمدلطفي دوره حلو في كلبش .
_ اعلان محمد رمضان لاتصالات احسن اعلان في رمضان السنادي والسلام عليكم ورحمه الله وبركاته .