كامل عبدالظاهر يكتب : رمضانيات “١٦”

_ كفر دلهاب … انا حاسس ان روح ريحانه دي على آخر الشهر هتحرق التليفزيون بالريسيفر .

_ كلبش … انا خايف زناتي يكون هو اللي قتل السادات وملبسها لعبود الزمر .

_ ريهام عبدالغفور فرقت بين كل الناس في المسلسل بتهيألي لو تامر حبيب كان جاب وائل الابراشي في الدور مكنش وقع بين كل الشخصيات كده .

_ امينه خليل بتحب على جوزها لتاني رمضان عالتوالي لسالها رمضان كمان وتحتفظ بكأس الخيانه الزوجية في التمثيل مدى الحياة .

_ احمد مالك ومشهد تحفة امبارح فمحمد ممدوح بيرد بعد 24 ساعه بمشهد احلى منه ولسان حال المتفرج بينهم استهدوا بالله يا اخوانا هو قمار .

_ آسر ياسين ياعيني مزنوق في الكورنر من اول الشهر وباسل الخياط عمال يخيط فيه .

_ احمد فهمي كسب الرهان في ريح المدام بدون منافسة .

_ رونالدو خلف توأم برضه من أم مجهولة الهوية … الراجل مصمم ولاده ميصرفوش دولار واحد كهدية في عيد الأم .

_ اعلان مجدي يعقوب … ايه فكرة ان اعلان رمضان ينزل في نص الشهر ؟ هي دي النجومية ؟