_ كلبش … سليم الانصاري بقى اشهر من امير كرارة . _ كلبش تاني احسن عمل لامير كرارة بعد ستار ميكر . _ كلبش … تقريبا الواد ابن حوده سيطرة هو اللي هيبلغ عن الانصاري .
_ عفاريت عدلي علام لو سبت كذا حلقة هترجع تلاقيه كأن مفاتكش حاجه .
_ سيد رجب عامل دور ابولهب باين في غرابيب سود . _ فتحي عبدالوهاب يستاهل واحدة زي بسيمه كده في المسلسل .
_ آسر ياسين لو قفل تليفونه والله باسل الخياط هيشوف حياته ويفكه منه .
_ ثراء جبيل “دلال” في كفر دلهاب حبه الكريز بتاعت المسلسل .
_ حازم امام وقراره انه يسيب beinsports في اول السيزون وفضل onsport عليها كان من القرارات اللي ضارب الودع فيها ومنجم .
_ احسن حاجه في رمضان السنادي عدم ظهور مي عزالدين ومحمد فؤاد والاسوأ عدم ظهور يحيي الفخراني .