كامل عبدالظاهر يكتب : رمضانيات “١١”

_ 9 رمضان امير كرارة قلع الجاكت الاسود في كلبش 10 رمضان ريهام عبدالغفور ابتسمت في لا تطفئ الشمس .

_ ام نيللي كريم في المسلسل دي محتاجة سحلية هدية في عيد الام .

_ ريح المدام لازم على الاقل ضحكة واحدة بصوت وانت بتتفرج والله .

_ تقريبا محدش اشتغل في مسلسل خلصانه بشياكة غير بتوع الديكور بس .

_ مسلسل لاعلى سعر ده في كمية كراهية وطاقة سلبية من الشخصيات تقولش دييجو سيميوني هو اللي كاتب المسلسل .

_ لا تطفئ الشمس .. أداء تمثيلي حلو من اغلب الممثلين وتصوير حلو وموسيقى تصويرية كويسة لدرجه ان الواحد بيتغاطى عن عدم وجود احداث في حلقات كتير .  _ انا بعرف احنا بقينا كام رمضان من الخازوق اللي باسل الخياط بيلبسه لآسر ياسين في المسلسل .

_ امير الكويت في زيارة للسعودية عشان يحاول يخلي فهد العتيبي يفضل يعلق في ‏beinsports‏ .                 _ الناس اللي بتعترض عشان محمد رمضان عرض وصل لتبرعه ب2 مليون جنيه هم هم الناس اللي زعلانين مثلا ان عادل امام عمرهم ماشافوه بيتبرع .

_ دخلة محمد رمضان في إعلان 500 500 جامدة فشخ بينما دخلة لميس الحديدي قفلتني من الاعلان كله .