عادل حراز يكتب : على طبلية الحاجه .. أسعار كنافة وقطايف أم حوده !!

100 جرام كنافة = ربع جنيه
عدد 10 قطيفايه = نصف جنيه
ربع كيلو جوز هند = جنيه واحد فقط
( مصنوع من بشر اللفت بالمبشرة ومغطس فى عسل بطاطس ) زى اللي بيحطوه في الهريسه الشعبيه اللي بيشتروها المصييفين من شارع سيدى خالد بن الوليد بعد رحلة اليوم الواحد
ربع كيلو بندق = 2 جنيه فقط
هو برضه نفس النوع اللي بيوضع في الهريسه اياها ..وللعلم هو مش بندق حقيقي ده نوع من الثمار بيطلع في زامبيا من الاشجار الاستوائيه وغير صالح للاستهلاك البشرى وبيستعمل علف للحيوانات
وتدعو الست أم حوده حبايبها مفرومين الدخل بمعامله الكنافة معامله( شبكة العروسه ودبل الخطوبه ) يعنى ممكن تعملي للبنت غويشه من الكنافه او اتنين تلبسهم وهي صايمه وتبقي تاكلهم في السحور وممكن الاولاد برضه كل عيل يعمل ساعه من الكنافه او دبلة خطوبه خلى العيال تحس بالفرحه !
بالنسبه للقطايف كل فرد من الاسره كفايه عليه فطيفايه واحده بس ( المبذرين اخوان الشياطين ).
سيبك بقي من حكاية الشيف الشربينى واللي بيعمله في رمضان وحكاية الكنافه بالمنجه وا لقطايف بالبطيخ والكلا م الفارغ ده …. ده هو بيضحك علي الناس بتوع كريمة المجتمع وكل دية مظاهر كدابه وافتكاسات رجال اعمال علشان الدعايه وعلشان سمن الهانم وسمن سنيه وسمن زكية الي جابت الامراض للشعب .
حاولي تكون ايجابيه علي رأى الست أم اسماعيل بتاعة عمنا سيد درويش :
ما نمدش رجلينا ليه علي قد لحافنا يابيه ؟؟؟
ملحوظه / إشترى 100 جرام كنافه حتاخدى قطيفايه هديه
إشترى 10 قطيفات حتاخدى 10 جرام كنافه هديه
القطايف والكنافه معموله من دقيق عيار 21 قيراط
محلات أم حوده تحارب الغلاء وجشع التجار