عادل حراز يكتب : أستك عم متولــــــــــــــي !!!
فرح جدا صديقي متولي (60) سنه عامل بسيط بشركة الغزل بعدخروجه علي المعاش لانه أخيرا نجح في شراء مايوه مستعمل من سوق العطارين ببواقي فلوس المعاش بعد تسديد كل ديونه..!ا
المهم المايوه من غير أستك…قلت له بسيطه اشترى أستك ..
الكلام ده امبارح راح يشترى استك لقى الاستك ارتفع سعره بعد فك الحظر والاستك بقي غالي…حسب اسعار بورصة الكالسون !!!! ماهو بعد فك الحظر كله راح يفك عن نفسه وبقت الاساتك مطلوبه اليومين دول وبخاصه في الكمامات والكالسونات !
قالي وهو يبتسم ياااااااااااااااه يا استاذ/ عادل
حتى لما حبيت انزل البحر اغسل هموم (60) سنه فقر مقدرتش انزل بالمايوه من غير استك!
تصدق كشف العوره ساعات بيبقي بقرار حكومى !!
عادل حراز
الكاريكاتير المصاحب بريشة الفنان العبقرى سمير عبد الغنى