سالي عبد السلام تلوم الحاسدين على ما اصابها

0

كتبت ـ آية عبده

عبرت مقدمة البرامج سالي عبد السلام عن ضيقها واستيائها من الحاسدين لها ، خاصة بعدما وصلتها الكثير من الرسائل حول شعرها بسبب طوله وكثافته وتكرر هذا السؤال لها بشكل شخصى او عبر مواقع التواصل الاجتماعى .

وفاجأت سالي جمهورها بنشر صورة لجزء من فروة رأسها وهو خال من الشعر تماما عبر موقع تبادل الصور “انستجرام “، وأكدت أن السبب في ذلك الحسد، خاصة وأنها تتلقى الكثير من الرسائل التي تسألها عن شعرها وكثير من المعجبين به يحسدونها .

وأكدت سالي في الصورة التي نشرتها عبر حسابها الشخصى أنها تؤمن بالحسد، ولكن الحاسد لا يعلم عن حياتها الكثير، وطلبت منه التوقف عن ذلك.

وعلقت على الصورة التى نشرتها : ” اصدمكم اكتر !!لكل حد كتب كومنت على راسى والله ..انا بقرأ الاذكار كل يوم!! مبفوتش فرض وبالسنن وقيام الليل الحمد لله ..المعوذات قبل ما انزل!!! القرأن والبخور كل يوم!! كل يوم والله..وبحلف!! بس والله كدة كتير عليا! انا تعبت…عمرى ما كنت بركز فى الحسد بس مؤمنة بيه..مبركزش من كتر ما بتتقالى انتى محسودة والناس مركزة معاكى بزيادة؟!!! انا؟؟ طب ليه؟؟! يجوا يشوفوا الواقع..ولا حاجة بتكمل فى جميع النواحى الحمدلله..عمرى ما زعلت على شغل راح او جوازة او عربية او صحاب وببقى عارفة ان ده تركيز وناس بتتمنى زوال النعمة منك اعوذ بالله ربنا يديهم اضعاف اضعاف اللى بيفكروا بس فيه..لكن فى شعرى الاقيه كدة امبارح فجأة لا!!!! كدة كتير و قوق طاقتى يا ربى …لما الاقى جروبات كتير بتتكلم على شعرى وياترى ده اكستنشن ولا زفت والا ولا كلمة ماشاء الله او اللهم بارك كله غل او يقول ده مش شعرها وانا اتبرع واحط صورى وانا صغيرة عشان اقولهم دى طيبعة شعر مش طريقة معينة للاهتمام عشان محدش يضحك عليكم بحسن نية للى بيسأله ويحصلى بعدها كدة.. فى شعرى ٣ مناطق مفيهاش شعراية!! الاقى بوست زى ده معنولى اكتر من ٢٠٠ منشن فيه و على الواتس اب والماسنجر واقرب صحاب ليا زعلانين ويقولولى ربنا يستر عليكى بجد دول عينيهم وحشة هيحصل حاجة!!!! وانا اكبر واضحك…لا اهه حصل!!! كدة كفاية والله..والله كفاية ! مفاضلش غير شوية الرضا وتقبل الدنيا اللى مخلينى قادرة اكمل..ابوس ايدكم بلاش دول كمان! ده مش هزار ممكن تأذى حد غصب عنك او نفسك و بتحصل فعلاً لازم تقول ماشاء الله او اللهم بارك وصفى نيتك! السوشيال ميديا بجد ضيعتنا كلنا!! قالك بيكتبوا بوستات انجيلينا وبراد بيت مطلقوش ليه والناس هتحسدك انتى وهما مجرالهمش حاجة ويهزروا مع بعض كدة اهم اطلقوا!!! ركز فى كل حاجة هزرت عليها !! حصلت… أعوذ بكلمات الله التامات من شر ما خلق. أعوذ بكلمات الله التامة من كل شيطان وهامة ومن كل عين لامة.
#حسبى_الله_ونعم_الوكيل #لااله_الا_الله #لا_اله_إلا_أنت_سبحانك_أني_كنت_من_الظالمين ومستكترين عليا اعمل هاشتاج msa..والله يارينى كتبت وقلت وبعد كدة هقول فى وش اى حد واحرجه او حاسد هقوله وربنا لازم يردهالى اللى مبيضيعش عنده حق حد..الحمد لله ”

اترك تعليق