بالفيديو| شعبولا يهاجم ترامب تضامنًا مع الشعب الفلسطيني بـ خلاص اتجنن

كتبت – رجاء عبدالنبي
قرر  الفنان شعبان عبدالرحيم تضامنًا مع الشعب الفلسطيني، طرح أغنية جديدة تهاجم قرار الرئيس الأمريكي دونالد ترامب بعد اعترافه بالقدس عاصمة لإسرائيل وقراره بنقل السفارة الأمريكية إليها.
كما أصدر “شعبان” أغنية جديدة تحمل عنوان “ترامب خلاص اتجنن” من كلمات إسلام خليل، وتم تسجيل الأغنية في يوم واحد فقط بعد صدور هذا القرار بأيام قليلة.
وتقول كلمات الأغنية:
ترامب خلاص اتجنن… ترامب خلاص اتجنن.
ترامب خلاص اتجنن… محتاج يا ناس قفص.. كله يخلي باله لو عض أو رفس.
مالك ومال القدس أما أنت راجل رذل.. كبرت خلاص يا ترامبو ولازم تعتزل.
عامل علينا معلم عشان إحنا دلعناك.. مفيش غير بس كوريا هي اللي مظبطاك.
إكمنك شكل هوجان ماشي تخبط بإديك.. مفيش غير كيم يانج اللي بيقدر عليك.
يا راجل اختشي على دمك بجد عيب عليك.. ولعت الدنيا بكلمة يا رب تعمى عينيك.
يا ترامب يا صهيوني يا ممثل دوبلير.. الشعب العربي كله مش هايعديها على خير.
القدس ها تفضل باقية عربية ليوم الميعاد.. يا جماعة بيت المقدس أومال فين الجهاد؟
قاعدين تجاهدوا فينا جهاد مالوش مثيل.. أنا نفسي أشوف جهادكم في أمريكا وإسرائيل.
القدس أهي بتتسرق بتقول يا مين يحوش.. قولنا الربيع العربي مؤامرة ما صدقوش.
ترامب ناوي يخربها ويولع الفتيل.. طالع يقول القدس عاصمة إسرائيل.
لو مرة العرب يتحدوا يكسروا ثم التعبان.. ده المتغطي بأمريكا وحياة ربنا عريان.
فتحت فتوحة على نفسك يا ترامب ومش ها تفوت.. القدس خط أحمر وباقية مش ها تموت.
إياك تتكلم تاني على صلح أو سلام.. ده أنت الإرهاب الأصلي وشوية عليك إعدام.
حلمكم والنبي لا نهده يا اللي صنعتوا الإرهاب.. إسرائيل دي إيه يا جدو ليلة أبوكوا هباب.
الغضب الساطع قادم يا ترامب يا ابن ماريكا.. ولا إسرائيل ها تحوشه ولا مامتك أمريكا.