جربت تقول
خلصت الصبر
وقلبك ضن بشوقه فيوم
جربت سكاتك فالثورة
وعنيك البارده
فعز دموع
جربت تخون نفسك مرة
بالضحك عليها بأي كلام
جربت تقول لا مش فاهم
وانت الفاهم عارف شايف
جربت تصون اللي باعوك
وفعز جراحك تركوك
جربت تحسس علي وجعك
وتقول ولا واجع ولا حاجه
جربت تبين مش حاسس
تتوجع من غير انات
جربت تسند من جرحك
وتزود فجراحك تاني
وتبيع أيامك بالساهل
وتقول انا شاري مش بايع
تب ان جربت
تعالي جنبي
هات وجعك حطه علي وجعي
وسنين حرمانا واحلامنا
مزادات الحب فأيامنا
هات قهوة ليلك وتعالي
ودموعك محبوسه فعينك
هات وجعك وتعالي اشكيلي
وانا هسمع واحكي علي انيني
وتعالي نقسم احزانا
ونقوم بعضنا من تاني
وهنرجع نبدأ من الاول
مع ناس جرحونا وتعبونا
علشان مكتوبناوقسمتنا
هنعيش وهنصبر ونكمل
وهنحلم بكره يكون أحلي
وأيامنا الجيه نجملها
