أمنية مجاهد تكتب : تجريف المشاعر

من أقسي الحاجات اللي ممكن تعرض شريكتك ليها هي (الاستنزاف) استنزاف مشاعرها وحبهاوصبرها استنزاف روحها اللي هيا بتحبك بيها.
بتعمل لشريكتك تجريف من كل حاجه حلوه حستها ناحيتك فيوم من الأيام بتخلص عليها بالبطئ وبتقضي علي أحلامها فيك
حضرتك بتبقي فاكر نفسك شاطر أووي وكأنك حاطيتها فحيط سد وبتقولها صدي لو تقدري تب لو مقدرتش لو الصبر خلص لو الحب انتهي هتقدر انت تكمل من غيرها.
كل مره بتقول فيها حاجه بتعرفها إن مبقاش فيك أمل كل مره بتهدم أحلامها فيك وكأنك بتقولها بأعلي صوت انا مبقتش نافع
مسألتش نفسك الحلو اللي فيها هيروح فين مفكرنش ان الجواز حلال والطلاق كمان حلال
ساعتها بس هتشوف حبيبتك من بعيد وتتمني بس بعد ما الاماني يكون فات وقتها
وافتكر انك لما أخدت فرصتك سبنها تمام نفسها بدل ما تكلمك وتحكي لأي حد غيرك لانك بتتصيد لها الغلط
الوقت اللي فرحت بنجاحك انت هدمت نجاحها والوقت اللي هيا بنتك انت هدتها وقت زعلك هيا طبطبت ووقت زعلها انت محاولتش تسمع
عجبك برواز فاشتريته وكسرته عشان محدش غيرك يعرف انه جميل كان ممكن ازوود جماله بالحب
نسيت انك استحليت قلبها بميثاق من ربنا
خلفت وعدك ليها ولله وهتتحاسب علي وعدك وعلي صبرها اللي ضاع فالأرض وعلي الحب اللي أخدته وموهبتوش