الحب لما نادى فكت ضفايرها
الورد فى خدودها
على كفها حنه
جريت على بابها
هتلاقى أحبابها
حلمت بنهر العسل
وبحضنهم جنة
شوقهم فرد جناحين
طاروا لها راجعين
وقفوا على أعتابها
ايدها ماليها خوف
على قلبها الملهوف
م الفرحة لما يطوف
جوه حناياهم
يدفى جواهم
يا ما عاش سنين مكتوف
بعد الفراق والغيبة
ضمينى يا حبيبة
ارمى سنين الألم
اسقينى م الطيبة
انا من زمان بحلم
القانى فى عيونك
اسكن هوا نفسك
انا مت من دونك