لو سمحت ….
يا حضرة … !
انا جاي ومعايا ليك شنطة علاج
دكتور سراج شخص مواجعك كلها
والحل فى جروحك يا عم
إن انت بس تقولها… وبدون خفا
كوى الجراح بيعلى من نسب الشفا
والعلة إنك كنت وقت البرد للى واجعينك دفا
قسمت نفسك ياما على ناس كتير
والضحكة ابلغ رد من إنك تقول
و قسطت روحك للوجع فواتير
وعشمت ياما ولا مرة كنت تنول
انت الوحيد المكتئب و سط الفرح
انت اللى روحك تتعصر بالبكا
ولكنه برضو ما اتجرح
ولا اتخدشت جدعنته من هم الزمن
انت اللى ميت وسطهم من غير كفن
كل الحاجات الغمقة بتلمس جوا من شئ
كنت الطريق و هما داسوا بدون مرور
يعلن لهمجية عشمهم الرحمة
انت اللى حافظ م الدروب سكتك
ولسه قلبك طفولى بيتوه من الزحمة
فرطوا ف أكل العيش …خطوا الحدود بشويش .. خلوك كما الدرويش ..
سارح ف مولد او صلاة جمعة
انت الشيطان وسطهم يا سئ السمعة
افهم بقى وامشى
كل الحاجات تشبهك من أنه الدمعة
ولا انت مش عايش
رصاصهم مش بس دوشه ف ضلوعك
او عيار طايش
دا فات ف القلب و اتمزق
تصدق ولا ما تصدق
دى روح طالعه ف حرم جامع
وقاموا الرحمة 100 شمعة
—
عيل و مفطوم ع الخسارة
اللومة مش عندك لما اجى يوم و اخسرك
حضنك حضن عسكرى لخندق
و كأنى حالف إنى لابد إنى أكسرك
بتبخى فيا كل يوم جرعة حنين
وبقيم جوا منك فرضين شقا
عشق مين يا قطقوطة
وانا عينى شال واتلف على كل نسوان المنطقة
عيال جوايا يتخانقوا
على المصاصه و اللعبه
ومين صادق
ومين ف القعده قال كدبه
ومين اول فريق ينزل ويلعب ماتش
حبيتك …
السبت, أبريل 20, 2024
آخر الاخبار
- فوز فريق الاتحاد السكندرى ٢٠٠٧ على الزمالك بالقاهرة ٢-١
- رحلة لجماهير الثغر.. لمشاهدة لقاء الاتحاد السكندري و الزمالك بإستاد القاهرة
- الاتحاد السكندرى يتصدر الدوري بفارق الأهداف
- حل فزورة فريش اليوم الأحد 21 رمضان.. بلد السكر والقهوة والتبغ في الكاريبي
- بحضور 600 شخص .. نادى السلام البحرى ينظم اكبر مائدة افطار على ضفاف قناة السويس ببورسعيد
- تأجيل مباراة الاتحاد السكندرى و المصرى البورسعيد لتقام يوم الخميس 4 إبريل
- سلة الاتحاد السكندري تتعاقد مع صانع الألعاب الأمريكي ” مايكل ديكسون “
- دوللي شاهين تنتهي من تسجيل أغنية “ست البنات”