من كام سنه …
ايام ما كان للكون مزاج
قبل اما تتسرق الجناين
من قصاد البلكونات
قبل اما تتسرق
الضفاير م البنات
و يلموا من تحت البيوت
كل العتب ..
و يبدلوه تلتوارات !
كان فى حكايات
كان ياما كان
حبه عيال اصواتها
عاليه و مزعجه
بيصحوا ساعه الضهر
كل النعسانين ..
مابيعشقوش قد
الشوارع فالشتا
مابيعرفوش الا
الجونين من طوب
و ماتش المنتخب
اما البنات ..
فا الاولى كانت عشقهم
كبروا العيال
جوا القهاوى التعبانين من عدهم
ضاقت على عيونهم شوارع
تاهوا فيها فصغرهم
فضلت تضيق لما العدد
اصبح عظيم
رغم ان اصحاب القضيه ..
ميكروباص بيلمهم
خبط الكتاف فالمترو
اصبح عزوتى !
كل المسارح مليانين
و الروايه دى من حياه
كل اللى شبهى
عرض النهارده قصتى
بكار و بوجى و توم
محفوظ .. حليم .. كلثوم
فيروز .. منير .. خالد سعيد مظلوم
صوت العيال بقى صخب
عدد العيال بيزيد
زاد عـ الشباب الشيب
من جون بـ طوب لميدان
صوت العيال بيزيد
” الثوره دى ثورتى ” !!!
#هشام_حسين
الأربعاء, أبريل 24, 2024
آخر الاخبار
- سلة زعيم الثغر تواجه الزمالك في قبل نهائي كأس مصر يوم 30 إبريل الجارى
- مجلس الصيد يكرم فريق مواليد ٢٠٠٩ لكرة القدم
- مصيلحى ينظم رحلة للجماهير لاستاد البرج
- رحلة لجماهير الثغر.. لمشاهدة لقاء الاتحاد السكندري و الإسماعيلى بإستاد برج العرب
- سموحة جاهز لمواجهة بلدية المحلة الهداف احمد على امين يبحث عن فرصة للمشاركة
- اطلاق اسم السباح نبيل الشاذلي علي مجمع حمامات السباحة بالنادى الاوليمبى
- فيوتشر يتخطى فاركو بهدفين ويصعد للمركز الثامن
- فوز فريق الاتحاد السكندرى ٢٠٠٧ على الزمالك بالقاهرة ٢-١