نقلا عن صديقة مصرية حتى النخاع تعيش فى إحدى دول الثلج اليكم القصة كما روتها على صفحتها فى الفيس بوك وبعد أن اذنت لى بنشرها عليكم ثم لنا بعدها التعليق …
(التربيه الصحيه)
الولد ده اسمه Joseph
زميل بنتي في المدرسه عنده ١٥ سنه بيقوم الساعه ٥ الصبح بيروح الجيم يلعب ساعه يطلع جري يشتغل في warehouse
بيروح يبيض ويشتغل في نجاره
لغايه الساعه 7 مساءاً بعد كده لو في شغل جايله يقص زرع يشيل تلج شغال
ديه تاني مرره يجيلي جاي مع باباها الذي يمتلك سياره موديل حديث وغاليه
اول ماجاء الولد الدنيا اتقلبت عاصفة جامده لدرجه كل حاجه موجوده بره البيت طارت كراسي وبراميل الزباله
قلت لباباه بلاش النهارده قالي ماتقلقيش الولد بصلي قالي I can do it قلتله الجو وحش تعالي بكره قالي يوم الأحد هو اليوم الوحيد اللي إجازتي
قعد يشتغل والدنيا اتقلبت شتاء جامد طلعت معلش تعالي جوه مرضاش وصمم يخلص الزرع
باباها رجع له تاني لما لاقي الشتا غزير ماعملش حاجه واقف بس بالعربيه
لطلع يقولو ياحبيبي يابني ولا اتبهدلت ياضينايا ?
لغايه ماخلص عطيته المبلغ اللي متفقين عليه قالي اديني نصه قلتله ليه قالي في اجزاء وراء ماتعملتش رديت قولتله انا كنت عايزه أديك اكتر من كده
علشان تصميمك انك تشتغل في جو زي ده
علي فكره بنتي بتقولي ان كل بنات المدرسه معجبين بالولد ده
ولد اهله مستريحين ماديا
ولد علي درجه كبيره من الجمال
ولد كل ده لم يوءثر في شخصيته ليجعله طفل مدلل مهمته رمي شباكه علي البنات فقط
هو ياجماعه فين شبابنا اللي حايفتحوا بيوت بعد كده ?????
هو دة السؤال اللى محتاج اجابة …
هل نحن نزرع فى أبنائنا حب العمل والاعتماد على النفس الاجابة غالبا لا الا من رحم ربى نحن نحتاج فى الأساس الى اعادة تربية مثل أبنائنا فقد صنعت المحسوبية والوساطة والتسلق والتبعية على الأقل ثلاثة او اربع أجيال وذادت فى الأجيال الجديدة بنسبة مرعبة ولى هنا تجربة سارويها لكم سريعااا ..
طالبنى يوما احد الاصدقاء ممن من يعملون فى مؤسسة عملاقة بأستخدام علاقاتى بوسط الشباب من بعد الجامعة فى الاعلان عن وظائف مختلفة فى أحد المصانع الكبيرة براتب ضعف الحد الأدنى بالإضافة للوجبات والتنقل وبالفعل بدأت فى تجميع شباب لهذا العمل وكانت المفأجاءة …. الشباب لا يريد العمل الكل رافض وبدعوات واهية ومختلفة ..
*مثل انا كدة هاصحى بدرى قوى .
*انا عاوز اكون قاعد فى مكتب مش واقف على ماكينة .
*انا عاوز مرتب أعلى عشان دول مش هايكفوا .
ملحوظة .
كلهم شباب غير متزوج مؤهلات عالية ومتوسطة واميين عمالة .
كلهم قاعدين على القهاوى وبياخدوا مصروف من امهم وبيعملوا مصالح على بعض بيع تليفون ولا ساعة وشكرااا ..
مين بقى هايقدر يحل المعضلة دى مصر مافيهاش مشكلة بطالة يا سادة مصر فيها مشكلة تربية ….
افيقوا يرحمكم الله
التوقيع
مواطن
الجمعة, أبريل 26, 2024
آخر الاخبار
- سلة زعيم الثغر تواجه الزمالك في قبل نهائي كأس مصر يوم 30 إبريل الجارى
- مجلس الصيد يكرم فريق مواليد ٢٠٠٩ لكرة القدم
- مصيلحى ينظم رحلة للجماهير لاستاد البرج
- رحلة لجماهير الثغر.. لمشاهدة لقاء الاتحاد السكندري و الإسماعيلى بإستاد برج العرب
- سموحة جاهز لمواجهة بلدية المحلة الهداف احمد على امين يبحث عن فرصة للمشاركة
- اطلاق اسم السباح نبيل الشاذلي علي مجمع حمامات السباحة بالنادى الاوليمبى
- فيوتشر يتخطى فاركو بهدفين ويصعد للمركز الثامن
- فوز فريق الاتحاد السكندرى ٢٠٠٧ على الزمالك بالقاهرة ٢-١