سكة سفر
أولها طرف من الامل
ممدود لآخر رُمح صاب خيل الرِكاب
في اللا تُسمي معركه
صورة الأفيش متفبركة
والإعلانات مالية الشوارع
والولاد وسط الميدان
مطلوب إزالة كل نفايات الحروب من فوق قضيب قطر الصعيد للقاهرة
مطلوب إحالة من الجنوب أقصي الشمال هدم التلال العامره بصخور خلود
نازلين جنود يغزوا المكان من دون سلاح
تركوا الرماح لجل السلام ماتوا برصاص
تنديد بتوطيد القصاص
من كل خاين مد روحنا بالوعود الزيف
من كل طيف فارق لألوان السما صابني بعمي بعد النزول عالأرض
من كل سرد ف نص كان محكم والفكرة أبكم من فتون الطول
من كل طفل مغول يكبر يعول راية السلام
ويحول مابينها وبين أريج الريح
تصريح لكل الموتي عالرصفان تبديل مكان العيشه بين أربع حيطان أو مُكنه شبر في شبر
لِما قد يكون أوسع يُدعي بإنه القبر
زهدني الصبر توهت القاه
طول عمري عايش في الحياة
مااملكش غير همي وملامح غربتي
متجمعين حبة قصايد عالورق
ورصيد سرق من روحي كل الأجوبة
إزاي تسلم للغرق؟؟
كان السؤال سهم انطلق
طب إيه هيوصف للأنين
أو مين يحس بغربتي داخل صمامات الألم
تاهت ملامح سكتي وانا جوا قلبي بمشي فيه
كل اللي بيه أربع طرق
نفق الصحاب.. مظلم حلِك
نفق القرايب.. مُنهَلِك
الأهل كان زي الفلك توهني فيه
نفق المحبه بنور هواكي سلكني ليه
ف لقيت حياة من تاني راجعه تشدني
وطريق نجاة بيمدني بالنور
دلوقت جاي بقولكوا
الليل ونس
والضحك زور الممكنات
…
العُزلة اسلم حل مالصراعات
والإعتكاف بالذات دا فرض وكان واجب أقوم أقضيه
…
كلام قولتيه في وقت الحرب
لحظة دخول العدو أرض المعركة
شايفة المدافع من أعلي خط النار
شايفة الحصار والدبابات
وصراع دانات
خلي الطيور تنزل علي ساحة الميدان
تتحامي في حصون القلاع
وانتي ف أمان حصني المنيع… متمردة
صابني العِدا في أول محاولة للهجوم
بحطام بيوت كل المدينة : الكباريهات
نزوات وكان فرضآ تموت
وانتي ف مُصلي وطُهره حاجب للبارود
كان أعلي درجة من السحاب
لا هي الغارات زارت كهوفك
ولا الدانات همست لصابع من كفوفك
ولا انتي خوفك ليه جواب
والإنسحاب طبع اليهود وأنا قلبي مسلم مهتدي
مايهزهوش شد الزناد
وماهدنيش غير سهم طايش بالبعاد
وقت إعلان السلام
فماتعنديش وتغربي وأنا لسه هلكان ف الحطام
الثلاثاء, أبريل 23, 2024
آخر الاخبار
- سلة زعيم الثغر تواجه الزمالك في قبل نهائي كأس مصر يوم 30 إبريل الجارى
- مجلس الصيد يكرم فريق مواليد ٢٠٠٩ لكرة القدم
- مصيلحى ينظم رحلة للجماهير لاستاد البرج
- رحلة لجماهير الثغر.. لمشاهدة لقاء الاتحاد السكندري و الإسماعيلى بإستاد برج العرب
- سموحة جاهز لمواجهة بلدية المحلة الهداف احمد على امين يبحث عن فرصة للمشاركة
- اطلاق اسم السباح نبيل الشاذلي علي مجمع حمامات السباحة بالنادى الاوليمبى
- فيوتشر يتخطى فاركو بهدفين ويصعد للمركز الثامن
- فوز فريق الاتحاد السكندرى ٢٠٠٧ على الزمالك بالقاهرة ٢-١