شباك خشب
بيحارب الشمس بوجع
بسلاح يا دوبك
فرع زينة قديم
خط الدفاع
مفصلات والحَلق
وبدعوة للتجديد
قرر الشرخ الصديق في الحيط يخونوا
فَاتكسف سور الفراندة
وكلهم استسلموا لقرار خسيس بالهدم
ساقعة الحاجات الدافية من غيرك
ابقي اضحكي لو جيت في تفكيرك
انا عيشت ذل كتير من بعد تقديرك
انا ذلي من خيرك
عدت سنين والحال مازال هو
كل الزباين في الكافية مع بعض
وانا وحدي
والصبح أصبح شئ بلا معني
الضل بيتابعك
والشمس مربوطة علي ياقة القميص
عشقك شبة
بقعة كلور علي بنطلوني الجينز
حجرين معسل والنفس مكتوم
والشيشة اول حلقة
في عرض جرح اليوم
الليل يتيم والصبح كلة غيوم
وانتي السبب في تقلب الاجواء
(وقسوة التنهيد)
(والوحدة والتسهيد)
(لسة ماهومش بعيد)
مش سهل نرجع زي زمان
عرض الجروح في الهوا
كان مغري قبل النوم
خربش هتكسب جرح
مسقي بماية ثوم