هـــــــا ت لي ضـــــــــلك !!!
…………………………….
هات لي ضلك جنب ايدى ..
صب شمسك .. فوق وريدى
زيدني م الاحساس وقولي
ياحبيبتى فيــــــــــــــا زيدى !
بالحنان دوبنى دوب
ياللي عشقك ليا توب
وافردالشمس ف مشاعرى
مستحيل ييجي الغروب !!
خلي قربك.. يحتوينى
ياللي ببعادك كاوينى
والحياه من غيرك أنت
نار لهيبها فوق جبينى
كلمه واحده من كلامك
همستك لحظة سلامك
حتى صمتك فيه حاجات..
رجعت فرحي لسنينى!!
ياااااااه لما قلت فجأة مره
ياحبيبتى…
طيرى بيا ..جنينينى!!!!!!
عايزه أقولك تانى إيه ؟
إفتكرت…
لاء نسيت..
وافتكرت ..
ياروحي إيه؟
لما قلبك كان بيحضن
نبض قلبى بين إيديه
يومها ضلك كان مدارى
كل عين دخلت مدارى
خاف عليا م اللي جارى
زى ورده ف ايد جناينى
عطرها كحل عينيه!!