علق الفنان تامر حسني على اعتزال حسام غالي، كابتن فريق النادي الأهلي، عبر حسابه الرسمي على موقع التواصل الاجتماعي «فيس بوك» ، وقال “تحليل شخصي مش أكتر، وأتمنى يطلع غلط، بس واثق إنه صح، اللي يقرأ بين السطور ويركز في كلمة هنا عايز يرتاح وتحديدًا كلمة “مش قادر”، يلاقي إن الراجل ده بيبكي من الضغوط والحروب النفسية اللي اتعرض ليها في حياته، رغم إنه بالفعل من أحسن وأرقى لاعبي مصر، بيبكي وبياخد قرار ينهي بيه حياته الكروية؛ بسبب (طاقة سلبية) خرجت من نفوس شريرة مريضة، تملكت منه، وسيطرت عليه، بخلاف اللي بينصح بمحبة، فهو مشكور في الحقيقة، يا حسام إنت فعلًا تقدر تكمل بس”.
واضاف تامر قائلا : “أنا مش ضد القرار؛ لأن اعتزالك وإنت في قمتك، هيخلد اسمك، أنا بس كان نفسي تاخد القرار من غير أي تأثير سلبي عليك، عشان كان لازم تكسب المعركة دي، عشان الأجيال الجاية تتعلم منك ميستسلموش لأي طاقة سلبية، عمومًا ربنا يكون في عونك، وإنت أدرى من أي شخص بحالك، وإن شاء الله ربنا يكتب الصالح ليك، وهتوحشنا في الملاعب يا بطل. وأتمنى إنك تعمل ماتش اعتزال تاني في مصر، عشان محبينك الكتااااار اللي مش هيقدروا يسافروا”
آية عبده