بفعل الشيبه والغيبه
حفرلي العمر كــــام
مشوار
عجوز بيكلم البراويـــــز
و عُمر بيجري كل
نهار
يعدي العمر بالسالــــب
تكون خسران تكون غالب
اجابه تملي عاوزه
سؤال
وشكل أيامي متغرب مابين
الوحده والترحال
يفوت كام يوم ألاقي الصحه
ف الطالع / وشيب الشَعر
كله اتشال
جهاز الضغط مش شغال
وصوت النبض عال
العال
كمان كام يوم لاقتني شباب
معايا الصُحبه والأحباب
في جيب البدله شوفت جواب
كلام الدنيا فيه
اتقال
صحيت م النوم / اذان شغال
وضحكة امي في وداني
وابويا سبقني عالجامع
بقالي سنين على دا
الحال
وفجأة وقعت من طــــــولي
علاج الضغط ما اخدتوش
رخصت خلاص وكنت
عزيز
ولادي باعوني للغُــــــربه
عجوز بيكلم
البراويز ….
#القيصر احمد عبد الستار
#الشعراء