رساله
بناءا على ما ورد فى الرساله اللى
متكتبتش
والجوابات اللى لساها فى درج المكتب
متبعتتش
بناءا على كل الحاجات اللى حصلت
واللى كمان محصلتش
والناس اللى اتذكرت فى مذكراتى
والناس اللى متذكرتش
قرار منى أنا
بإسمى وذاتى وكيانى
بإحساسى واحلامى وخيالاتى
بقلب ليلاتى بيعانى
بكل ماشوفته فى حياتى
بإيدى أنا
بإيد رغم خوفى فى غاية الثبات
وراسخه وقويه فى عز الشتات
هلم اللى باقى من الذكريات
بأحلام حياتى على الأمنيات
على كل ضحكه
على كل غنوه
على كل دمعه بتصرخ آهات
على كل كلمه حروفها العذاب
فى صندوق ملون بلون الغراب
هشيله وهمشى بعيد ألف ميل
وهحفر وهدفن و اهيل التراب
وانزل دموعى سيول تجرى فيه
وهبنيله شاهد وهكتب عليه
هنا تحت يرقد رفات شاب كان
بيضحك واتاريه مضحوك عليه
وهمشى واسيبه وهجبر ملامحى
تخبى الكئابه وترسملى فرحى
مزيف لكنه ممثل كبير
بيكدب ويكدب ويقنع كتير
يبانلك بيضحك تبانلك سعادته
تشوف فرحه طاغى وظاهر فى سمته
وهو ابتسامته ياولداه حزينه
سجينه على شفايفه
مترسمتش
ودا اللى كتبته وورد فى الرساله
رسالتى الحزينه اللى متكتبتش
السبت, أبريل 27, 2024
آخر الاخبار
- سلة زعيم الثغر تواجه الزمالك في قبل نهائي كأس مصر يوم 30 إبريل الجارى
- مجلس الصيد يكرم فريق مواليد ٢٠٠٩ لكرة القدم
- مصيلحى ينظم رحلة للجماهير لاستاد البرج
- رحلة لجماهير الثغر.. لمشاهدة لقاء الاتحاد السكندري و الإسماعيلى بإستاد برج العرب
- سموحة جاهز لمواجهة بلدية المحلة الهداف احمد على امين يبحث عن فرصة للمشاركة
- اطلاق اسم السباح نبيل الشاذلي علي مجمع حمامات السباحة بالنادى الاوليمبى
- فيوتشر يتخطى فاركو بهدفين ويصعد للمركز الثامن
- فوز فريق الاتحاد السكندرى ٢٠٠٧ على الزمالك بالقاهرة ٢-١