ﻣﻔﻬﻤﺘﻠﻮﺵ ﻣﻌﻨﻰ
ﺑﻴﻘﻮﻟﻰ ﻧﺘﺼﺎﻟﺢ
ﺑﻴﻘﻮﻟﻰ ﺩﻣﻌﻨّﺎ
ﺑﻴﻘﻮﻟﻰ ﻛﺎﻥ ﻓﺎﻟﺢ
ﺑﻴﻘﻮﻟﻰ ﺭﺟﻌّﻨﺎ
ﻃﺐ ﻓﺴﺮ ﺍﻵﻳﺔ
ﻭﺍﺣﻜﻴﻠﻰ ﻡ ﺍﻻﻭﻝ
ﻧﺰﻟﺖ ﺩﻣﻮﻋﻪ ﻧﻬﺎﺭ
ﻓﺤﻜﺎﻳﺘﻪ ﻫﺘﻄﻮّﻝ
ﺗﻮﺻﻞ ﻻﺧﺮ ﺍﻟﻠﻴﻞ
ﻓﺄﺳﻤﻊ ﺑﺪﻭﻥ ﺗﻘﻮﻳﻞ
ﺑﻴﻘﻮﻟﻰ ﻧﺘﺼﺎﻟﺢ
ﻣﻌﻨﺎﻩ ﻑ ﺍﻟﻘﻮﺍﻣﻴﺲ
ﻛﺎﻥ ﻟﻌﺒﻪ ﺑﺎﻟﻔﻮﺍﻧﻴﺲ
ﻭﺍﻟﻠﻒ ﻑ ﺍﻟﺸﺎﺭﻉ
ﻭﻳﺎ ﺍﻟﺼﺤﺎﺏ ﻭﺍﻻﻫﻞ
ﻭﺍﻛﻤﻨﻪ ﻭﺍﺩ ﺑﺄﻟﻮﻑ
ﻛﺎﻥ ﺣﺒﻪ ﻷﺧﻮﺍﺗﻪ
ﺣﺐ ﺑﻌﺒﺎﻃﻪ ﻭﺟﻬﻞ
ﻳﺪﻳﻬﻢ ﺍﻟﻤﺼﺮﻭﻑ
ﻭﻳﻤﺸﻰ ﻧﻔﺴﻪ ﺑﻤﻬﻞ
ﻓﻴﻘﻮﻟﻮﺍ ﻋﻴﻞ ﺳﻬﻞ
ﻧﻜﺮﻭﺍ ﺍﻟﺠﻤﻴﻞ ﺿﺮﺑﻮﻩ
ﻭﺍﺗﻘﺴّﻤﺖ ﺩﺍﺭ ﺃﺑﻮﻩ
ﻓﻰ ﺍﻟﺒﻌﺪ ﻛﺎﻥ ﻃﺎﻟﺢ
ﻭ ﺃﻫﻮ ﻗﺎﻟﻰ ﻧﺘﺼﺎﻟﺢ
……
ﺑﻴﻘﻮﻟﻰ ﺩﻣﻌﻨّﺎ
ﻣﻔﻬﻤﺘﺶ ﺍﻟﻤﻘﺼﻮﺩ
ﺟﺒﻠﻰ ﺍﻝ CD. ﻭﺷﻐﻞ
ﻭﺍﺗﺮﻳﻨﺎ ﻗﻄﻌّﻨﺎ
ﻛﻞ ﺍﻟﻌﻴﺎﻝ ﻑ ﺍﻟﺤﻮﺵ
ﻋﻠﺸﺎﻥ ﺑﻴﺤﺘﻔﻠﻮﺍ
ﻭﺑﻘﻴﻨﺎ ﻛﻠﻨﺎ ﺑُﻮﺵ
ﻳﻘﺘﻞ ﻭﻧﻬﺘﻔﻠﻮﺍ
ﻛﺎﻥ ﻋﻴﺪ ﻣﻴﻼﺩ ﺩُﻓﻌﻪ
ﻭﺍﻟﺒﻨﺖ ﻛﺎﺕ ﺭﺍﻓﻌﻪ
ﺍﻟﻮﺭﺩ ﻣﺶ ﻣﻠﻮﺗﻮﻑ
ﻭﺍﻟﻮﺭﺩ ﺍﺻﻠﻪ ﺭﺻﺎﺹ
ﻑ ﺑﻼﺩ ﻣﻠﻴﻬﺎ ﺍﻟﺨﻮﻑ
ﺷﻴﻤﺎﺀ ﺑﺘﺴﻤﻌﻨﺎ
ﻓﻔﻬﻤﺖ ﺩﻣﻌﻨّﺎ
…..
ﺑﻴﻘﻮﻟﻰ ﻛﺎﻥ ﻓﺎﻟﺢ
ﺑﺼﺘﻠﻪ ﺑﺎﺳﺘﻐﺮﺍﺏ
ﻓﻜﺮﺗﻪ ﺑﻴﻠﻘّﺢ
ﻧﺰﻟﻨﻰ ﻑ ﺍﻟﺴﺮﺩﺍﺏ
ﻭﻫﻤﺴﻠﻰ ﻑ ﻭﺩﺍﻧﻰ
ﺍﻟﻜﻠﺐ ﺩﺍ ﺑﻮﻟﻴﺲ
ﺣﺒﻴﺘﻪ ﻑ ﻗﻴﺎﻣﺘﻪ
ﻭﺷﺠﺎﻋﺘﻪ ﻉ ﺍﻟﺠﺎﻧﻰ
ﻑ ﻧﺎﺩﻳﺘﻪ ﺑﺎﻟﺴﻴﺴﻰ
ﺍﺗﺎﺭﻳﻪ ﺑﺤﺠﺎﺭﻩ ﻭﺗﻢ
ﻭﺍﻟﻠﻌﺒﻪ ﻗﻠﺒﺖ ﻏﻢ
ﻣﺪﻳﺖ ﺍﻳﺪﻳﺎ ﻑ ﻳﻢ
ﺑﺸﺮﺏ ﻃﻠﻊ ﻣﺎﻟﺢ
ﻓﻔﻬﻤﺖ ﻛﺎﻥ ﻓﺎﻟﺢ
….
ﺑﻴﻘﻮﻟﻰ ﺭﺟﻌﻨّﺎ
ﺗﺮﺟﻊ ﻟﻤﻴﻦ ﻳﺎ ﻭﻃﻦ
ﻟﺴﺎﺩﺍﺗﻚ ﺍﻟﻤﻘﺘﻮﻝ
ﻭﺍﻟﻨﺼﺮ ﻣﺶ ﺑﺄﺻﻮﻝ
ﻟﻮ ﺑﻌﺖ ﻑ ﺍﺧﻮﺍﺗﻚ
ﻟﺠﻤﺎﻟﻚ ﺍﻟﻨﺎﺻﺮ
ﻧﺎﺻﺮ ﻭﻛﺖ ﻧﻜﺴﻪ
ﻟﻤﺒﺎﺭﻙ ﺍﻟﻤﺨﻠﻮﻉ
30 ﺳﻨﻪ ﻑ ﻭﻛﺴﻪ
ﻣﺮﺳﻴﻚ ﻣﻜﻨﺶ ﺭﺋﻴﺲ
ﻣﺮﺳﻴﻚ ﺩﺍ ﻛﺎﻥ ﺑﻠﻘﻴﺲ
ﻣﻔﺘﻮﻧﻪ ﺑﺎﻟﻤﻨﺼﺐ
ﺭﺩ ﺍﻟﻮﻃﻦ ﻋﻮﺍﺩ
ﻋﻤﺮﻩ ﻣﺎ ﺑﺎﻉ ﺍﺭﺿﻪ
ﻛﺎﻧﺖ ﺍﺷﺎﻋﻪ ﻳﺎ ﻭﺍﺩ
ﺍﺗﻠﻤﻮﺍ ﻭﺃﺗﻮﺿﻮﺍ
ﺍﻭ ﺻﻠﻮﺍ ﻑ ﻛﻨﻴﺴﻪ
ﺗﺘﻠّﻢ ﺍﻭﺟﺎﻋﻜﻮﺍ
ﺧﺪﻧﻰ ﺍﻟﻮﻃﻦ ﻑ ﺍﺩﻳﻪ
ﻣﻦ ﺑﻌﺪ ﻣﺎ ﻓﻬﻤﺘﻪ
ﻭﺍﻧﺎ ﺑﺮﺩﻩ ﻓﻬّﻤﺘﻪ
ﻟﻮ ﻣﻬﻤﺎ ﻏﺮّﺑﻨﺎ
ﻫﻮ ﺍﻟﻠﻰ ﺑﻴﺴﺎﻋﻨﺎ
ﻓﻔﻬﻤﺖ ﺭﺟﻌﻨّﺎ
#ﺟﻮﺍﺏ_ﺑﺨﺘﻢ_ﺍﻟﻨﺴﺮ
#ﺛﺎﺋﺮ
السبت, أبريل 20, 2024
آخر الاخبار
- فوز فريق الاتحاد السكندرى ٢٠٠٧ على الزمالك بالقاهرة ٢-١
- رحلة لجماهير الثغر.. لمشاهدة لقاء الاتحاد السكندري و الزمالك بإستاد القاهرة
- الاتحاد السكندرى يتصدر الدوري بفارق الأهداف
- حل فزورة فريش اليوم الأحد 21 رمضان.. بلد السكر والقهوة والتبغ في الكاريبي
- بحضور 600 شخص .. نادى السلام البحرى ينظم اكبر مائدة افطار على ضفاف قناة السويس ببورسعيد
- تأجيل مباراة الاتحاد السكندرى و المصرى البورسعيد لتقام يوم الخميس 4 إبريل
- سلة الاتحاد السكندري تتعاقد مع صانع الألعاب الأمريكي ” مايكل ديكسون “
- دوللي شاهين تنتهي من تسجيل أغنية “ست البنات”