تقريبا باخرج م العُزله ..
اول ما كفوفك تتسحب
وتشد هدومي وتخطفني لحُضنِك ونطير
جناحات من ونس ابن لذينا
وعينيكي البُني الفاتح إيه ……. ؟!!
قُطط الحواديت ..
ولَّا كمنجات ..
واخداني لشارع في السماوات
وملايكه وناس
شبه التفاصيل اللي انا بعشقها واموت فيها
فبعيش فيها ..
تقريبا باخرج م العُزله
واتنطط تاني على الكورنيش
واضحك للضل
فيستغرب ويكشرلي
قال يعني نسيت
وحدفت الضحكه بدل تكشيره بقالها سنين !!
أضحك تاني
يتجن ويرقص قُدامي
ويقولي خلاص
شكلك حبيت ..
ويطرقع ضحكه على الأسفلت فتتنطط
تلمس عواميد
تترعش اللمبات ف الشارع
تنطفي ..
وتقيد ..
تنطفي ..
وتقيد ..
وانا ماشي بعاكس في العشاق
عازف بينَقَّط مزيكا
وباوزع ف ابتسامات وكلام
وقصايد شعر
وكام دعوه
بتفَتَّح في السماوات شبابيك
تقريبا باخرج م العزلة ..
وباشوف العالم ….
مش سافل
مع إنُّه امبارح كان مُجرم
كان ضلمه وكان ………….
-مش فاكر حاجه من الأحزان
أنا ضحكه وبس ..
أنا بهجه بتنتور مني ..
ع الناس
ع البحر
على الدوشه
ع الكافتيريات
أنا فجر بينهض دلوقتي من قلب الليل
وحياه بتقوم – من يوم ما عيونك لمستني – من قلب الموت
باعشق تفاصيلي من الليله
وبحبِك
م
و
و
و
ت
الخميس, مارس 28, 2024
آخر الاخبار
- دوللي شاهين تنتهي من تسجيل أغنية “ست البنات”
- ملتقى العصر بالجامع الأزهر يوضح مفهوم العبادة وخصائصها في الإسلام
- الاتحاد السكندري ينعى الكابتن فؤاد مرسى أحد نجوم الجيل الذهبي لزعيم الثغر
- بمشاركة ٤٠ عارضا و٧٥ لوحة مدير تعليم بورسعيد يفتتح معرض مدرسة الخط العربي
- برواية حفص وشعبة ورويس.. آلاف المصلين من مختلف الجنسيات يشهدون صلاة التراويح بالجامع الأزهر
- الإمام الأكبر: القرآن دفع المسلمين وشجعهم على إنارة الغرب والشرق في عهد الظلمات
- بحضور رئيس المكتب السياسي والمتحدث الرسمي … حزب العدل ينظم حفل إفطار جماعي وأمسية رمضانية بالإسكندرية
- تدريب الفريق الأول لكرة القدم بحضور الأستاذ محمد مصيلحى .. الأحد