نبيل سلطان يكتب : حمام في الشارع

1

في وسط البلد الساعة ٧ مساء في جو أبريل المنعش ومع بداية الليل على القاهرة الساحرة كنت اسير في شوارع عماد الدين وفؤاد وسليمان باشا سابقا طلعت حرب وبما انى قررت استخدام قدمى بدلا من عجلات سيارتى لعلى اتخلص من بداية شيخوخة مبكرة وتيبس في العضلات فكانت جولتى طويلة وممتدة وخصوصا انى استمتع جدا بالنستولجيا في وسط البلد التي تربطنى بها علاقة قديمة تمتد إلى نعومة اضافرى .. الجو حلو وزجاجة المياه رفيقى في الطريق وهوبااااا .. عاوز ادخل الحمام وهنا بقى بدأت المغامرة .. اققرب مطعم أو كافية بعيد وبعدين انا عاوز ادخل الحمام مش اققعد على الكافية. اعمل اية انا بقى دلوقتى….. نفسى اكمل مشى مش هاينفع خلاص لازم امشى وهووب تاكسى لحد عربيتى وياله باى يا وسط البلد … طب اية مش هاينفع الكلام دة يتكرر تانى وكمان كل الأماكن إللى ينفع الواحد يتمشى فيها مافيش فيها حمام . وانا راجع على البيت مزنوق اكتشفت ان كل دول العالم المحترمة ومنهم مصر زمان كان فيها حمام في الشارع وخدمتة كويسة جدااا كمان. اى ممشى مشهور أو كورنيش نهر أو بحر أو حتى ربوة أو حديقة أو متنزة فيهم حمام عام … فكرت انا بقى فيالمشروع القومى اللطيف دة (حمام في الشارع) بأختصار وبساطة وحدة حمامين حريمى ورجالة مساحتها ٣ متر في ٢ ونص متر تقريبا في حجم عربية 4×4 بعجلات وتوضع اعلى غرف التفتيش المجهزة مسبقا ومصدر مياه الرى الموجود في كل شارع تقريبا …. تكلفة الوحدة حوالى من ٣٠ إلى ٣٥ ألف جنية سيتم فتحها بوضع عملة نقدية فئة ٢ ج هايدخلها في المتوسط ٣٠٠ شخص في اليوم ٢٤٤ ساعة يبقى ٣٠٠ × ٢× ٣٠ يوم = ١٨.٠٠٠ الف جنية في الشهر لو تم توظيف ٤ أفراد ٢ للحريمى وو٢ للرجالى بمرتب ٢٠٠٠ ج في الشهر هتبقى التكلفة ٨٠٠٠ الاف جنية شهريا وكمان ٢٠٠٠٠ ج مواد (صابون ومناديل ) وكمان ٢٠٠٠ ج صيانة شهريى هاتبقى التكلفة الفعلية حوالى ١٢.٠٠٠ الف جنية فيالشهر والباقى ٤ ج شهريا لمدة ١٠ شهور يتم استرجاع ثمن الوحدة وبعدها المبلغ يدخل في خزينة المحافظة …. مش دة مشروع يسهل حياه الناس ويخليها ترتقى ويشغل شباب وسيدات ويشجع السياحة التسويقية الخ الخ …. عرفتوا بقى ان الحمام في الشارع مشروع قومى .. ومش هانبقى اخترعنا حاجة كل الدول المتقدمة عندها حمام في الشارع التوقيع مواطن .

  1. د.حنان عبد العظيم يقول

    مشروع جميل ومن ضروريات الإحتياجات الفسيولوجية اليومية للإنسان (Basic Human Needs) ياريت يعطوه لمستثمر هيكون أفضل وخاصة بحسبة التكلفة والدخل ????

اترك تعليق

يرجي التسجيل لترك تعليقك

شكرا للتعليق