محمود سامى يكتب : #چيلي

0

مش معنى حُبك للچيلي
تشوفي رعشة وقفتي ف تسبلى
…..ـ
جايز ساعات باقدر اكون طعم الكرز
دلوقتي جايلك مُر متغطي بوجع ..
و محشي بهموم الزمان
تعبان و نفسي اتسمع
فتعالي جنبي اسنديني و طبطبي..
على قلبي بشوية دموع
لو حتى فيها تكذبي و تمثلي
و لو انتي عايزة تكملي
بلاش يكون الجوع مشاعرك ناحيتي
انا مش مجرد تحلية او تسلية
فرجاء عشان خاطري اِثْبتي
انك بجد بتعشقي
…………ـ
عارفك بسرعة بتزهقى
و ان الشيطان بيشعننك
ساعة الزهق مالكيش عزيز
بس الليلادي استحملي
و انا باوعدك وعد الچلي
بعد البكا.. ارجع لذيذ
#چيلي
#محمود_سامي
#وش_مكرمش

اترك تعليق

يرجي التسجيل لترك تعليقك

شكرا للتعليق