تحقيقات وتقارير فنون

ماذا يقول الجمهور حول زواج احمد سعد وسمية الخشاب؟

ماذا يقول الجمهور حول زواج احمد سعد وسمية الخشاب؟

حوار – محمد رضا

انشغل الشارع المصري وصفحات التواصل الاجتماعي، مؤخرا بأخبار زواج النجم أحمد سعد والنجمة سمية الخشاب، بعد أن انفصل سعد عن النجمة ريم البارودي، رغم ما جمعهم من قصة حب كانت محل جدال لعدة سنوات سابقة.

انقسم الجمهور بين مؤيد ومعترض .. متعاطف مع ريم ومهاجم لسمية وسعد .. وبين مؤكد لحق سعد وسمية فيما فعلا و”كل شئ قسمة ونصيب”.

تعود بداية القصة إلى فبراير عام 2011، حيث بدأت علاقة المطرب احمد سعد بالفنانة ريم البارودى، بعد تعرفها عليه فى مسلسل مملكة الجبل حيث قام سعد بغناء تيتر البداية والنهاية لهذا المسلسل ..وكانت تشارك ريم البارودى فى بطولة هذا المسلسل مع النجم عمرو سعد اخو احمد.

بدأت العلاقة بينهما كصداقة ثم حب .. صارحها أحمد بحبه لها وهى بادلته نفس الاعجاب، ونشأت بينهما قصة حب كبيرة امتدت الى اعوام حتى جاء عام 2015، واعلن احمد سعد عن خطوبته لريم البارودى، ولكن سرا خفية عن الجمهور، لان سعد كان متزوج من زوجته الاولى فى الاسكندرية مسقط راس احمد سعد.

وبعدها تم كتب كتاب احمد سعد على ريم البارودى .. سرا ايضا .. وبعدها بعام واحد فقط حيث كان الاستعداد لحفل الزفاف والترتيبات النهائية .. وفجأة .. حدث الانفصال .. وتناثرت الشائعات والاقاويل.

احد هذه الاخبار ان احمد سعد اهله قاموا بالضغط عليه .. واقاويل اخرى ان (سعد مكنش بيحب ريم البارودى)، واقاويل الاخرى ان ريم صرحت احد التصريحات التى اغضبت احمد سعد فقرر الانفصال بعدها.

بعد الانفصال بشهور .. ظلت ريم البارودى مديرة اعمال احمد سعد .. وتعمل له كل اعماله بهمة ونشاط وتنظم له مواعيده وحفلاته بكل همه حتى فوجئت فى يوم بارتباطه وخبر اعلان خطوبته على سمية الخشاب.

حينها قررت ريم البارودى الابتعاد عن احمد سعد، وتركت العمل معه والابتعاد عنه نهائيا فى هدوء واحترام.

وإيمانا منا بأهمية الاستماع إلى صوت الجمهور، قررنا ان نستطلع آراءه هذه القضية التي نالت من التغطية الإعلامية الكثير، وشغلت العديد من لقاءات الأصدقاء وحكاوي البيوت مؤخرا.

محرر «بوابة الخبر الالكترونية» التقى البعض من الجمهور المصرى، سعيا نحو آرائهم فى هذه القضية التى باتت على لسان الجميع.

وننقل لكم قراءنا الأعزاء، آراء الجمهور بكل حيادية ودون تحيز الى احد على حساب الآخر.

التقينا في بداية جولتنا، بالأستاذ (احمد سعيد)، ويعمل باحث بالمجلس القومى للبحوث.
استاذ احمد، تابعت قصة او خبر زواج احمد سعد من سمية الخشاب؟ ما رأيك فى الضجة وهذا الارتباط وهذه الشائعات والاقاويل؟

– اولا ربنا يسعدهم ويهنيهم ببعض هما الاثنين طالما هذا الارتباط حلالا، ثانيا هذه الضجة عشان انت عارف طبيعة الشعب المصرى مفيش حاجة يعملها غير الكلام عمال على بطال.

إيه رأيك في ان احمد سعد ظلم ريم البارودى؟

– النصيب، قبل اى شىء .. ريم واحمد سعد مكنش ليهم نصيب فى بعض.

وبلقاء السيدة (منى عبداللطيف)، محامية.
ما رأيك فى خبر زواج سمية الخشاب واحمد سعد، واللغط الذى يدور فى الشارع المصرى؟

– سمية اتجوزت احمد سعد .. هو حبها وهى حبته .. الناس زعلانة ليه انا عايزة اعرف، زعلانين ليييه؟! هو لو اتجوزها يزعلوا ولو مش اتجوزها يتكلموا!

ايه رايك فى ريم البارودى وهل احمد سعد ظلمها؟

– ريم محترمة وانسانة رقيقة، بس انا بحب سمية الخشاب وبدعى ليها ربنا يسعدها يارب حبيبتى سمية، وبقول لريم متزعليش ربنا هيعوض عليكى.

والتقينا بالأستاذ (خالد مجدى)، خريج جامعى.
ما رأيك فى قصة زواج احمد سعد وسمية الخشاب؟

– ياعم الناس شاغلة بالها ليييه؟ مش هما اتجوزوا على سنة الله ورسوله؟ طب ما يسكتوا بقا ربنا يهنيهم.

وتحدثنا مع الأستاذة (هند مظهر)، وتعمل شيف فى احد الفنادق.
عندما تناولنا موضوع احمد سعد وريم البارودى وسمية الخشاب وجدنا تعاطف من حضرتك مع ريم البارودى؟ لماذا؟ 

– اولا ريم انسانة محترمة. رغم اللى عملوا فيها احمد سعد هى مش بتقول فى حقه غير كل حاجة حلوة، عكس احمد سعد، هو كان استاذ عمرو اديب بيعمل لقاء معاه قال عليها حاجة ومذكرش انها كانت مراته.

ليه حضرتك بتقولى كده؟ مش يمكن ده تقصير من ريم البارودى؟

– هى كانت بالنسبة له مديرة اعماله، حتى بعد ما اطلقوا، كانت واقفة معاه، يعنى لو هى كانت مقصرة معاه مكنش فضل معاها حتى بعد الطلاق.

ممكن تكون ريم قصرت فى حق نفسها عندما تزوجت احمد سعد عرفيا كما اشيع وقيل وقتها؟ ويمكن يكون ده اللى نزلها فى نظر احمد سعد؟

– ده مكنش جواز عرفى، وبعدين هما كانوا مخبين الموضوع ده فى السر عشان هو كان متجوز وكانوا على استعداد للفرح، يعنى الموضوع كان عادى كتب كتاب وبعد كده فرح.

وإيه رأيك فى سمية الخشاب؟ ولو كنتى مكانها كنتى هتعملى اللى هى عملته؟

– هو انا مش فاهمة هى ليه اولا عملت كده، وايه موضوع روحانيات دى؟! انا مش مع سمية الصراحة.

شيف هند .. انت شابة مصرية عادية مثلك مثل اى بنت .. لو اتت بك الظروف ووضعتى فى نفس موقف ريم البارودى هتعملى اللى هى عملته؟

– بصراحة هى مثال للتربية والاحترام .. واكيد هعمل زيها .. واى بنت تعمل زيها.

وتحدثنا مع الاستاذة (سمر احمد)، طالبة.
ما رأيك في قصة احمد سعد وسمية الخشاب؟ وخبر زواجهم والقصة المثارة حاليا؟

– رأيي ان ده ظلم .. وريم البارودى متستاهلش كل ده من احمد سعد. لانها فنانة محترمة وانسانة مؤدبة وكفاية انها وقفت جنبه ومعاه كل السنين دى .. وبعدين سمية الخشاب واحمد سعد يستاهلوا بعض!

لو حضرتك مكان ريم البارودى كنتى هتعملى اللى هى عملته؟

– ايوا طبعا .. وهعيش حياتى وافكر فى شغلى .. وهى عملت الصح ، وهو مش يستاهل عشان هى تهتم بيه .. ريم انسانة راقية بكتير من انها ترد عليه.

لماذا كل هذه الضجة والصخب فى الشارع المصرى عن هذا الارتباط بالذات .. هذا هو السؤال الشاغل .. لماذا؟!

– عشان قصة حبه هو وريم كانت الناس مهتمه بيها وشغلت جميع الناس .. واللى حصل خلى عدد كبير من الجمهور يتعاطف مع ريم البارودى .. محدش كان يتوقع انه يسيب ريم أبدا ويروح يتجوز واحدة اكبر منه سنا فى سن امه .. وأخيرا .. انظر الى افلامها وخير مثال حين ميسرة.