لسعة مكوه عادل حراز : أنا والقميــــــــــــــــــــــــــــــــــص !!

0

الوطن بقي عامل زى القميص الضيق كل ما تلبسه زرايره تتقطع ويفضل مفتوح تيجي تقلعه يتقطع من تحت باطك و كل ما تخيطه يضيق اكتر ويسجنك جواه وانت لابسه.ويشل حركتك ولو قلعته ورميته هتمشى عريان لانك للاسف معندكش غيره…وكل ما تحاول ترقعه بقطعه قماش تلاقي بقي شكله وحش لان مفيش قماش اصلي يناسبه.تشيل الجيب وتحاول تصلح المرقع حتة قماشة الجيب ماتكفيش .ندخله جوه البنطلون يعملك كرش..تطلعه بره البنطلون يبقي قصير عليك والناس تضحك عليك..وطن لانافع بكم ولا بنص كم.. ف الاخر لازم تتجنن وتلبس الوطن بالمقلوب زى قميص المجانين!
الغريب ان فيه ناس بتلبس علي القميص ده كرافاته!! وبتطلع في التلفزيون وتتكلم عن الحريه!!
الوطن محتاج عروة وزرار وفاتله وابرة خياطه بشرط ان يكونوا صنع في مصر!
اتحداك لو لقيتهم !

اترك تعليق

يرجي التسجيل لترك تعليقك

شكرا للتعليق