رسالة موطن

1

أوراق _ أقلام _الوان
علشان ارسم أنسان
أنسان ..قادر يتكلم
ولسانه مش مقطوع
أنسان ..عايز يتحرر
من ذل مهانة خضوع
أنسان ..دايمآ بيفكر
بالعقل بصوت مسموع
أنسان ..فرحان وبيضحك
مش م الاحزان موجوع
أوراق_اقلام _ألوان
علشان أرسم أنسان
أنسان ..بيحب بلاده
وبروحه كمان يفديها
أنسان ..دايمآ بيعمر
وبيزرع فوق أراضيها
وفي وقت الشدة يضحي
باولاده عشان يحميها
أنسان ..عارف مصلحتة
وحقوقه واللي عليه
عمره مايستني غريب
يجي ويتحكم فيه
أوراق_اقلام_ألوان
بتمني أرسم ..أنسان

#محمد_زكريا

  1. Dalia Badawy يقول

    الإنسان موجود من أصل الوجود
    بس ياخسارة فقد حاجة متتعوضش
    فقد الإنسانية
    و بقي مش محصل حتي حيوان في البرية
    لما يجوع بياكل أخوه في الإنسانية
    ولما بيشبع بياكل كل الأضعف منه بحيوانية
    يبقي مش محتاج وطن محتاج الاول يتعلم الف باء انسانية

اترك تعليق

يرجي التسجيل لترك تعليقك

شكرا للتعليق