خطر ارتفاع درجة حرارة طفلك وكيفية التعامل معها

لو اهملنا ارتفاع درجه الحرارة او معرفناش نتعامل معاها بالطريقه الصح ايه ممكن يحصل

0

كل ام معرضه لارتفاع درجه حراره طفلها فاى وقت من اليوم الصبح … الضهر .. بالليل … الفجر طب اعمل ايه الولد سخن نار ومش هينفع اروح للدكتور غير الصبح !!!!!!!!!! طب ايه هيا الأسباب إللى بتؤدى لارتفاع درجه حراره طفلك أطفالنا فى اعوامهم الأولى بيكتشفوا الدنيا من حولهم معرضين لميكروبات من البيئه من حولهم بنسمع على طول كلمه ابنى بياخد كل حاجه على بؤو يحصل ميكروب ويتعب ويسخن تغيير الفصول وتخفيف الملابس النوم فالتكييف والمراوح… يؤدى لدور برد يؤدى لسخونيه دور مثالين على سبيل التوضيح لا الحصر … فالسخونه عرض لأمراض كتير جدا وليست مرض قائم بذاته وبالتالى تنزيل درجه الحرارة هوه علاج عرض مش مرض وعشان كده ضرورى بعد ماتنجحى فتنزيل حراره طفلك تروحى للدكتور عشان يعرف السبب فارتفاع درجه الحرارة ويبدأ يعالج السبب الاساسي عشان الحرارة مترجعش تانى …. طب ياماما ياحلوه لو اهملنا ارتفاع درجه الحرارة او معرفناش نتعامل معاها بالطريقه الصح ايه ممكن يحصل لا حبيبتى ممكن تحصل مصايب زى مثلا -تجلطات فالدم -خلل فوظائف الاجهزه الداخليه -تشنجات -واخيرا وليس آخرا التهاب فالاغشيه السحائيه وخلايا المخ وندخل عنايه مركزه ومشاكل حركيه وسمعيه وبصريه وندخل فدايره كبيره من التأهيل الحركى والسمعى والبصرى وتنميه المهارات .

الموضوع كبير الحقيقه وكل طفل على حسب الاصابه اد ايه…… طب ليه كل ده اما ممكن انتى كأم تتصرفي فالبيت وتمنعى كوارث .. اول حاجه لازم تعرفيها ممنوع تعطى اى خوافض قبل ماتنزلى الحراره الأول..طب انزل الحراره ازاى اخلعى ملابس الطفل من الجزء السفلي وقعديه فطبق فيه ميه دافيه وافتحى ميه ساقعه فالميه السخنه عشان تبرد تدريجيا ويفضل فالميه لحد ماتحسى ان درجه حرارته نزلت او تخليه بالملابس الداخليه فقط وتعملى كمادات ساقعه على الرقبه وتحت الابطين وبين الفخذين وباطن القدمين وكف اليدين … نزلت درجه الحرارة الحمد لله ابدأى اعطى الخافض إللى عندك فالبيت وفاقرب وقت تروحى للدكتور عشان يعرف سبب ارتفاع الحراره ويكتبله العلاج المناسب عشان الحراره مترجعش تانى طبعا ضرورى يكون عندنا ترمومتر بالبيت فى أنواع منه كتير بس انا بفضل الزئبقي لانه الادق هناك طريقتين للقياس وضع المخزن الزئبقي للترمومتر تحت الابط لمده خمس دقائق وتذودى نص درجه على القراءه او وضع المخزن الزئبقي للترمومتر بالمستقيم لمده دقيقتين وتقللى نص درجه من القراءه صحه طفلك تهمنا .

ساره سلامه
ساره سلامه

مع تحيات  د. ساره سلامه

مسئول التأهيل الحركي والعلاج الطبيعي

لدي فريق opportunity team.

اترك تعليق

يرجي التسجيل لترك تعليقك

شكرا للتعليق